Tiri bolsam, qazaqqa qyzmet etpeı qoımaımyn!

Álıhan Bókeıhan

Ýkraına múftıi Ismagılov Reseı musylmandaryn kóteriliske shaqyrdy (vıdeo)

08 naýryz 2022 69

Ýkraına musylmandary dinı basqarmasynyń múftıi sheıh Saıd Ismagılov Reseıdegi musylmandardy soǵysqa qatyspaýǵa shaqyrdy.

– Men sizderdi, Reseı musylmandaryn, bul soǵysqa barlyq jaǵynan qatyspaýǵa, Pýtınniń bıligin qoldamaýǵa shaqyramyn, – dedi Ismagılov.

Ismagılov reseılik musylmandardy ana tilderinen, quqyqtary men bostandyqtarynan aıyrylyp jatqanyn umytpaýǵa shaqyrdy.

– Musylman retinde de, ult retinde de joıylyp jatyrsyzdar. Reseı – túrli halyqtardyń túrmesi. Bul jerde reseılikter bizben soǵysyp jatqanda, azattyq kúresin bastańyzdar. Biz kúresemiz, biz jeńemiz! Óz taǵdyryńyzdy sheshýge, erkindikke, ulttyq, mádenı jáne dinı bolmysyńyzdy jańǵyrtýǵa múmkindik bar. Biz, Ýkraına musylmandary úshin duǵa etińizder, – dep qosty ol.

Aıta keteıik, Saıd Ismagılov Donesk týmasy, ulty tatar. Saıd Ismagılov dinı qyzmetin 2002 jyly bastaǵan. Ýkraınalyq saıası birlestigi partıasynan parlamenttik saılaýǵa tústi. Uzaq ýaqyt Donesk qalasynda turǵan. Donbassty reseılik áskerıler basyp alǵannan keıin biraz ýaqyt ótken soń Saıd otbasymen Kıevke kóshti.



Derekkóz
Bul maqala týraly ne oılaısyz?