Tiri bolsam, qazaqqa qyzmet etpeı qoımaımyn!

Álıhan Bókeıhan

Reseılik olıgarhtar Ýkraınadaǵy soǵysty toqtatýǵa shaqyrdy

09 naýryz 2022 101
Batys sanksıasynyń saldarynan kóp qarajatyn joǵaltqan Kremlge jaqyn reseılik mıllıarderler Ýkraınadaǵy jaǵdaıǵa alańdaýshylyq bildirip, soǵysty toqtatýǵa shaqyrdy. Bul týraly Alash.kz tilshisi Azattyqqa silteme jasap habarlaıdy.



Prezıdent Vladımır Pýtın aınalasyndaǵy magnattardyń biri Oleg Derıpaska 7 naýryzda Týıtterde Ýkraınadaǵy soǵys tez toqtaýy tıis dep jazdy.

"Beıbitshilik tez ornaýy tıis, biz qaıta oralmaıtyn núkteden ótip kettik... Tutas álem basqa bolady, Reseı basqa bolady" dep jazdy ol.

Taǵy bir magnat Vladımır Lysın 7 naýryz Novolıpesk qalasyndaǵy bolat óndiretin zaýyt jumysshylaryna arnap jazǵan málimdemesinde "Ýkraınadaǵy qantógis – tragedıa, ony aqtaý qıyn" dep jazdy. Novolıpesk metalýrgıa kombınatynyń basshysy qaqtyǵysty dıplomatıalyq jolmen sheshýge shaqyryp, soǵys jaqyn arada aıaqtalady dep úmittenetinin jetkizdi.

Reseılik kásipker Oleg Tınkov 6 naýryzda óziniń mıllıarderler qatarynan shyǵyp qalǵanyn, sanksıaǵa baılanysty kóp qarajattan aıyrylǵanyn habarlady. Ol jýrnalıserge endi budan bylaı ózin olıgarh dep atamaýdy ótingen.


Bul maqala týraly ne oılaısyz?