Tiri bolsam, qazaqqa qyzmet etpeı qoımaımyn!

Álıhan Bókeıhan

Toqaev sý tasqynyna baılanysty kómek kórsetken Qyrǵyzstan prezıdenti men halqyna alǵys aıtty

06 sáýir 2024 136

Memleket basshysy Qyrǵyzstan Prezıdenti Sadyr Japarovpen telefon arqyly sóılesti, dep habarlaıdy Alash.KZ ulttyq portaly. 

Qos basshynyń tildesýine qatysty habarlamada:

Qasym-Jomart Toqaev sý tasqynyna baılanysty baýyrlas eldiń kórsetken kómegi úshin Sadyr Japarov pen Qyrǵyzstan halqyna alǵys aıtty. Sondaı-aq bul gýmanıtarlyq kómek eki el arasyndaǵy shynaıy dostyqty, tileýlestikti jáne tyǵyz odaqtastyq qarym-qatynasty bildiretinin atap ótti, delingen. 

Sonymen qatar, memleketterdiń basshylary qazaq-qyrǵyz qatynastary barlyq baǵytta qarqyndy damyp kele jatqanyna nazar aýdardy.

Áńgimelesý barysynda prezıdentter saýda-ekonomıkalyq, ınvestısıalyq jáne mádenı-gýmanıtarlyq yntymaqtastyqty odan ári nyǵaıtý perspektıvalaryn talqylady. Aldaǵy ýaqytta Qyrǵyzstan Prezıdenti jaqyn arada Qasym-Jomart Toqaevtyń shaqyrýymen Qazaqstanǵa resmı saparmen kelmek. 

Bul maqala týraly ne oılaısyz?