Tiri bolsam, qazaqqa qyzmet etpeı qoımaımyn!

Álıhan Bókeıhan

"Depýtattarǵa qatysty stereotıpti buzý kerek". Muqaev sý tasqynyna jáne depýtattarǵa qatysty suraqqa jaýap berdi

05 sáýir 2024 375

Májilis depýtaty Dáýlet Muqaev Qostanaı oblysyndaǵy Amankeldi, Jankeldi aýdandarynda 30-ǵa jýyq aýyldy sý shaıyp ketkenin málimdedi. 

Sonyń ishinde, Táýish aýylynda 100 shaqty úı bar. 

"Kimniń úıin sý basqanyn óz kózimmen kórdim. Aýlasyndaǵy sýdy keshtik. Biz barǵanǵa deıin ol jerge eshqandaı gýmanıtarlyq kómek berilmegen. Jaryq pen ınternet bolmady. Tek mektepte elektr qýaty jáne jyldamdyǵy tómen wi-fi bar eken. Baılanys biz keter kezde qosyldy. Tipti, qarapaıy botı aıaqkıimi de jetpegen", - dedi májilismen Nege portalyna bergen suhbatynda.

Ol Tótenshe jaǵdaılar mınıstrligimen tikeleı baılanys ornatylǵanyn aıtty. Aýylǵa tikushaq barǵan. 

"Basqasy basqa, dál osy aýylǵa ózim baryp, kózben kórgennen keıin meniń basty nazarymda bolady. Ári qaraı da Úkimettiń úı salyp berý máselesin qadaǵalaımyn.

Sý basqan aımaqtardaǵy mektep túlekterine qosymsha granttar bóliný kerek dep esepteımin", - dedi Dáýlet Muqaev.

Ol sońǵy kezderi depýtattarǵa qatysty aıtylyp júrgen syndarǵa da jaýap berdi. Onyń paıymynsha, qoǵamda depýtattyń beınesin jaman etip kórsetip tastaǵan.

"Depýtat bolǵanyma bir jyldan asty, uıqtap otyrǵan birde-bir áriptesimdi kórmedim. Sondyqtan depýtattarǵa qatysty stereotıpti buzý kerek. Eger men «depýtatpyn» dep shirenip júrsem, halyqtyń emes, ákimderdiń «qulaqtan tepken» esepterin tyńdap qaıtar edim. Sol sebepten de júrgen jerimde «depýtatpyn», «depýtat kele jatyr» dep shýlata bermeımin. Kerisinshe, úndemeı baramyn da, shýlatyp jiberýim múmkin. Biz kórsetpegende jergilikti atqarýshy organdardan, mınıstrlerden mundaıdy kórý ekitalaı", - deıdi halyq qalaýlysy.

Bul maqala týraly ne oılaısyz?