Tiri bolsam, qazaqqa qyzmet etpeı qoımaımyn!

Álıhan Bókeıhan

5 mlrd teńgege. "Qazaqstan halqyna" qory úıi sýǵa ketkenderge qarjy bóldi

01 sáýir 2024 388

«Qazaqstan halqyna» Qoǵamdyq qorynyń basqarma tóraǵasy Bolat Jámishev pen sý tasqynyna qarsy is-sharalardy úılestirý jáne sý tasqyny kezeńiniń saldaryn joıý jónindegi respýblıkalyq shtabtyń tóraǵasy Oljas Bektenovpen kezdesti. Kezdesýde qor sý tasqynynan zardap shekkenderge úı salýǵa qarjy bóletinin habarlady.

Qor maqsattarynyń biri – tótenshe jaǵdaı kezinde zardap shekken halyqqa kómektesý. Osyǵan oraı, qor jalpy somasy 5 mlrd teńgege sý tasqynynan zardap shekken úılerdiń qurylysyna qoldaý kórsetedi.

«Qaıyrymdylyq kómek jergilikti atqarýshy organdardyń obektıv tekserýi jáne aýyldyq jerdegi turǵyn úıdi tıisti saraptama uıymdary jaramsyz dep tanyǵan jaǵdaıda kórsetiledi. Rastaıtyn qujattar alynǵannan keıin qordyń ishinde sheshimdi bekitýdiń tıisti rásimderi júrgiziledi», – delingen habarlamada.

Qor 2022 jylǵy sáýir aıynda Batys Qazaqstan oblysynyń Qaratóbe aýdanyna qaıyrymdylyq kómek berý tájirıbesine súıenedi. Sóıtip qor sý tasqynynan zardap shekken aýyldarda sondaı 200 úı salýǵa bolady dep esepteıdi.

Aıta keteıik, Astanada sý tasqynynan zardap shekkenderge gýmanıtarlyq kómek jınaý bastalyp ketti.

Astananyń volonterlyq shtaby Batys Qazaqstan, Qostanaı, Aqmola oblystarynda sý tasqynynan zardap shekkenderge gýmanıtarlyq kómek jınaı bastady. Jumys volonterlyq jáne qaıyrymdylyq uıymdarymen birlesip atqarylady.

Sondaı-aq Qostanaı oblysynda sý tasqyny qaıtalanýy múmkin degen boljam bar.

«Qazgıdromet» málimeti boıynsha, 31 naýryzdan bastap Qostanaı oblysynda aýa temperatýrasy kúndiz +20 gradýsqa deıin kóteriledi. Aptanyń ortasynda túnde oblystyń soltústigi men shyǵysynda jańbyr túrinde jaýyn-shashyn bolady.

«Osyǵan baılanysty Qostanaı oblysynyń Tótenshe jaǵdaılar departamenti oblystyń ońtústik aımaqtarynda sý tasqyny qaıtalanýy múmkin dep boljap otyr. Oǵan qosa oblys ortalyǵy men soltústiginde kúrdeli sý tasqyny bolýy múmkin. Qarasý, Áýlıekól, Naýryzym, Qamysty, Sarykól, Altynsarın, Meńdiqara jáne Uzynkól aýdandaryna qaýip tónip tur», – delingen habarlamada.

Sonymen qatar, Reseı Federasıasynan iri ózender boıymen sý kelýi múmkin. Sý aǵyny óte joǵary. Jitiqara, Denısov, Qostanaı, Qarabalyq, Fedorov aýdandary men Beıimbet Maılın aýdanyna qaýip tónip tur.

Bul maqala týraly ne oılaısyz?