Tiri bolsam, qazaqqa qyzmet etpeı qoımaımyn!

Álıhan Bókeıhan

Toqaev pen Zelenskıı Ýkraına máselesin talqylady

03 naýryz 2022 144
[ad_1]



2 naýryzda Qazaqstan prezıdenti Qasym-Jomart Toqaev pen Ýkraına basshysy Vladımır Zelenskıı telefon arqyly sóılesti.

Aqorda saıtynyń jazýynsha, telefon áńgime Ýkraına tarabynyń bastamasymen júrgizilgen.

"Taraptar Ýkraına tóńiregindegi ahýal boıynsha pikir almasty. Qasym-Jomart Toqaev Ýkraınadaǵy áskerı is-qımyldardy toqtatý jáne odan ári boldyrmaý úshin kelissózder barysynda ýaǵdalastyqqa qol jetkizýdiń mańyzdy ekenin aıtty. Memleketter basshylary eki eldiń gýmanıtarlyq saladaǵy yntymaqtastyǵyn odan ári damytýǵa kelisti" dep jazylǵan Aqorda taratqan qysqa habarlamada.

Vladımır Zelenskıı sózine súıengen Ýkraına aqparat quraldarynyń jazýynsha, ol Toqaevpen birge "aımaqtaǵy qaýipsizdik" máselesin talqylaǵan. Eki basshy "gýmanıtarlyq máseleler boıynsha yntymaqtastyq ornatýǵa kelisken".

"Ári qaraı da baılanysta bolamyz" degen Zelenskıı.

Aqorda munyń aldynda Qasym-Jomart Toqaevtyń Reseı basshysy Vladımır Pýtınmen sóıleskenin habarlaǵan. Toqaev Pýtınge Ýkraına tóńiregindegi ahýal boıynsha "ortaq kelisimge qol jetkizýdiń asa mańyzdy ekenin" atap ótken.

  • Ýkraına shyǵysyndaǵy separatıstik qurylymdardyń "táýelsizdigin" moıyndaǵan Reseı 24 aqpanda Ýkraınaǵa basyp kirip, eldi mekenderin atqylap, bombalaı bastaǵan. Vladımır Pýtın ony "demılıtarızasıa jáne denasıfıkasıalaýǵa" baǵyttalǵan "arnaıy áskerı operasıa" dep ataǵan. Máskeý Ýkraınanyń tek áskerı ınfraqurylymyna ǵana "shabylýyldaıtynyn" aıtqanmen is júzinde azamattyq nysandar da qırady, beıbit azamattar opat boldy.

  • Kıev pen Batys elderi oqıǵany soǵys dep atap, Reseı agresıasyn aıyptady. Eýropa elderi, AQSH, Kanada, Japonıa Máskeýge sanksıa saldy.

  • Reseı odaqtasy ári ekonomıkalyq turǵyda soltústiktegi kórshisine táýeldi Qazaqstan osy aptaǵa deıin únsizdik tanytyp kelgen. 1 naýryzda basqarýshy partıanyń sezinde prezıdent Qasym-Jomart Toqaev Nur-Sultan "eýrazıalyq qaýipsizdiktiń ajyramas prınsıpinen" aınymaıdy dep málimdedi. Ol Kıev pen Máskeýdi kelissóz arqyly til tabysýǵa shaqyryp, qajet bolsa araaǵaıyn bolýǵa da daıyn ekenin jetkizdi.




[ad_2]

Derekkóz
Bul maqala týraly ne oılaısyz?