«QazAtomÓnerkásip» ulttyq kompanıasynyń burynǵy basqarma basshysy Muhtar Jákishev saıası partıa qurý týraly oılarymen bólisti.
Bul týraly Muhtar Jákishev «Gıperboreı» YouTube arnasyna bergen suhbatynda aıtty.
– Birinshiden, men saıasatker emespin. Men eshqashan saıasatpen aınalaspadym. Meniń oıymsha, mennen jaqsy saıasatker shyqpaıdy. Meniń ne isteıtinimdi bári boljaı alady. Buny kemshilik dep esepteımin. Saıası kúreste qý bolý kereksin. Ekinshiden, kóptegen adamǵa jańalyq bolý múmkin, men 2023 jylǵy 21 mamyrǵa deıin men áli (túrmede – Red.) otyrmyn. Men áli aıybymdy ótep otyrmyn. Meniń óteý ýaqytym áli bitken joq. Sondyqtan, Qazaqstan Zańamasyna sáıkes, men daýys berý quqyǵy berilmeıdi. Men saılaýǵa qatysa almaımyn.
Maǵan: «Partıa nege ashpaısyz?» dep suraıdy. Partıa ashý úshin joba, pikirles adamdar jáne bunyn barlyǵy ne úshin jasalyp jatqany bilý qajet. Mende zańdy quqyq joq. Sebebi, men daýys ta bere almaımyn jáne saılaýǵa qatysa almaımyn. 2023 jyldyń mamyryna deıin men tutqyndamyn, – dedi Jákishev.
Sonymen qatar, «QazAtomÓnerkásip» ulttyq kompanıasynyń burynǵy basqarma basshysy qandaı jaǵdaıda qaıtan túrmege oralý múmkin ekenin aıtty.
– Kósheni tyıym salǵan jerden ótip ketsem nemese temeki tuqylyn laqtyrsam, kez-kelgen quqyq buzýshylyq bolsa, men meni bosatqan jerge qaıta oralamyn. Bul 2023 jyldyń 21 mamyryna deıin emes, men túrmede otyrmaǵan 3 jyl 2 aıǵa qaıta qamalamyn. Mysaly, 2023 jyldyń 19 mamyr kúni bir ákimshilik quqyq buzýshylyq jasasam – men meni bosatqan jerge 2026 jylǵa deıin otyramyn.
Qazirgi tańda, meniń mártebem – jarymjan. Sondyqtan, kez-kelgen azamat isteı alatyn menen qandaı da bir is-qımyl kútkende – menen buny árdaıym ala almaısyndar. Óıtkeni, men Zań boıynsha, keıbir quqyqtarymnan aıyryldym. Eshqandaı partıalyq ómir týraly aıta almaımyz. Zań boıynsha, bul múmkin emes, – dedi Muhtar Jákishev.
«QazAtomÓnerkásip» kompanıasynyń burynǵy basshysynyń aıtýynsha, ol óziniń «tutqyn» mártebesine asa kóp mán bermeı, saıası refeormalar qajetiligin atap ótti.
– Men bul mártebege qaraı bermeımin. Meni qaıtadan qaıtara alady, men ár apta saıyn belgilep otyramyn, saǵat túngi 10:00 keıin úıde bolý kerekpin. Bul meni ýaımdatpaıdy. Saıası reforma qajet. Bul bireýge unaı ma, unamaı ma? Men árdaıym men neni oılaımyn – ony aıtamyn. Sol úshin otyrý kerek boldy ma – otyrdym, – dep túıindedi Jákishev.
[embed]https://www.youtube.com/watch?v=TwVrdEnZDT8[/embed]
Eske salsaq, 2020 jyly 3 naýryzda Semeı qalasynyń qylmystyq soty «QazAtomÓnerkásip» kompanıasynyń burynǵy basshysy Muhtar Jákishevtiń shartty túrde merziminen buryn bosatý týraly ótinishin qanaǵattandyrdy. Bas bostandyǵynan aıyrý oryndarynda ol 11 jyl boldy.
2009 jyldan bastap Jákishev pen onyń jaqtastary sybaılas jemqorlyq aıyptary boıynsha 14 jylǵa bas bostandyǵynan aıryldy.
Keıbir qazaqstandyq quqyq qorǵaýshylardyń pikirinshe, Jákishev 2009 jyly Qazaqstannan ketken burynǵy bankır jáne qazaqstandyq bıliktiń synshysy Muhtar Ábilázovpen dostyq qarym-qatynasy úshin qylmystyq qýdalaýǵa ushyrady.
Derekkóz
