– Qazirgi halyqaralyq ahýal jóninde qysqasha aıta ketkim keledi. Ózderińiz bilesizder, álemdegi jaǵdaı ábden shıelenisip ketti. Osyndaı kúrdeli jaǵdaıda Qazaqstan halyqaralyq uıymdarda, eń aldymen, Birikken Ulttar Uıymynda daýys berý kezinde beıtarap ustanymyn saqtap otyr. Bul bizdiń ulttyq múddemizge saı keledi. Jerimizdiń bútindigi jáne elimizdiń amandyǵy – biz úshin bárinen mańyzdy. Sondyqtan, parasattylyq pen sabyrlylyq tanytyp, arandatýshylardyń jeteginde ketpeýimiz kerek, – dedi Toqaev.
Sondaı-aq, prezıdent Reseıden kóship kelip jatqan azamattarǵa qatysty máseleni el múddesine saı sheshýshe ýáde berdi.
– Biz Reseı tarapymen kelissózder júrgizip, bul túıtkildi elimizdiń múddesine saı sheshemiz. Taǵy da qaıtalap aıtamyn, osyndaı almaǵaıyp kezeńde bizge, eń aldymen, bereke-birlik qajet. Eldiń tynyshtyǵyn saqtaı bilsek, turaqty damı alamyz. Barlyq máseleni baıyppen talqylap, aqylmen sheshýimiz kerek, – dedi memleket basshysy.
