Qazaqstan Respýblıkasynyń prezıdenti Qasym-Jomart Toqaev Qazaqstan telearnasyna suhbat berdi. Suhbat barysynda «Qańtar oqıǵasyna» qatysty suraqtar qoıylyp, memleket basshysy jaýap berdi.
– Biz qaraly, qasiretti kúnderdi bastan ótkerdik. Ony moıyndaýymyz kerek. Táýelsizdik jyldary kóptegen synaqqa tap boldyq. Ony el bolyp eńserdik. Biraq dál osyndaı qaraqshylardyń áreketin birinshi ret kórip otyrmyz. Otanyna qyzmet etetin azamattar mundaı opasyzdyqqa barmaıdy. Keıbir toptar jaǵdaıdy óz múddesine paıdalanǵysy keldi. Bul – tóńkeris degen sóz, – dedi ol.
Prezıdent qarapaıym azamattardyń ózderi jaqsy kóretin qalasyn bulaı qıratpaıtynyna senimdi. Memleket basshysynyń aıtýynsha, qaraqshylardyń basty maqsaty dúkenderdi tonaý, áıelderdi zorlaý jáne bılikti tóńkerý.
– Men bul máselelerdi jaqsy bilemin. «Shash al dese, bas alatyn» áreketterge tosqaýyl qoıýǵa tapsyrma berdim. Qoǵamdyq komısıalar óz jumysyn bastady. Olardyń jumysyna kúshtik qurylymdar da, men de aralaspaımyn, – dedi Prezıdent.
Derekkóz
