Tiri bolsam, qazaqqa qyzmet etpeı qoımaımyn!

Álıhan Bókeıhan

"Teginnen tegin jasamaǵan ǵoı". Halımnazarov reseılikter júrgizgen saraptamanyń syryn jaıyp saldy

20 sáýir 2024 926
Saltanat Núkenovaǵa qatysty saraptama júrgizip, qorytyndysyn sot ústinde manıkenge syzyp turyp kórsetken Tahır Halımnazarov reseılik áriptesteriniń saraptamany qalaı júrgizgenin aıtyp berdi, dep habarlaıdy Alash.KZ  ulttyq portaly KYN.KZ portalyna silteme kórsete otyryp.
 
Telejúrgizýshi Dına Tólepbergen Halımnazarovtan suhbat aldy. Suhbat barysynda qonaqtan "reseılik sarapshylardyń bul áreketi kútken jańalyq pa? dep surady.

"Buny biz kútkenbiz. Óıtkeni praktıkada bar. Jazǵanyna súıensek, qylmys bolmaǵan bop tur ǵoı", - dep jaýap berdi sarapshy. 

Sonymen qatar:

"Bıomaterıaldardy teksermeı, tek qana qujattarǵa súıenip, qorytyndy jasaý qanshalyqty kásibı?" degen suraǵyna "Bul saraptama emes, eki mamannyń kózqarastary. Memlekettik mekemeniń atynan shyǵyp turǵan qujat emes. Eki tulǵanyń jazyp turǵany ǵoı. Kórdińiz be! Onyń bárin tegin jasamaıdy ǵoı olar. Eń mańyzdysy da osy bolyp tur ǵoı", - dedi ol. 

Esterińizde bolsa, biz de "Bıshimbaev isine" aralasqan reseılik mamandardyń "kúmándi saraptamasy" eskerýsiz qalǵanyn jazǵanbyz. Áıelin óltirdi degen kúdikpen burynǵy mınıstr Qýandyq Bıshimbaevtyń sotynda reseılik sarapshylardyń "Saltanattyń ólimi oqıǵa bolǵan kúnnen burynǵy jaraqattarynan bolǵan" degen qorytyndysy usynylǵan. Alaıda sýdıa isten bul nátıjeni alyp tastaǵan.

Sot saraptamanyń kóptegen buzýshylyqtarmen jasalǵanyn anyqtady.

"Sarapshylar jasaǵan paıymdar, qorytyndylardyń durystyǵy kúmán týdyrady", - dedi sýdıa Aıjan Qulbaeva.

 

Bul maqala týraly ne oılaısyz?