Tiri bolsam, qazaqqa qyzmet etpeı qoımaımyn!

Álıhan Bókeıhan

Teatr jáne kıno akteri Tóleýbek Aralbaı dúnıeden ótti

20 qańtar 2022 97
Akter, Qazaqstannyń eńbek sińirgen artısi Tóleýbek Aralbaı o dúnıelik boldy.

Bul jaıynda Muhtar Áýezov atyndaǵy Qazaq ulttyq akademıalyq drama teatry málimet taratty.

«Qazaq óneri men mádenıeti aýyr qazaǵa ushyrady. 72 jasqa qaraǵan shaǵynda teatr jáne kıno akteri, Qazaqstannyń eńbek sińirgen artısi, «Qurmet» jáne «Parasat» ordenderiniń ıegeri Tóleýbek Muhamedjanuly Aralbaı dúnıe saldy» dep jazdy teatrdyń baspasóz qyzmeti Instagram paraqshasynda.

Tóleýbek Aralbaı 1950 jyly 18 naýryzda Semeı qalasynda dúnıege kelgen. Ónerge qushtar ol bala kezinen-aq qaladaǵy Pıonerler Saraıynyń drama úıirmesine qatysty. Onyń ónerdegi eń alǵashqy ustazy ataqty rejıser I.Vıshnevskıı boldy. 1964-1966 jyldary Semeı oblystyq mýzykalyq drama teatry janyndaǵy stýdıany oqyp bitirgen soń teatrdyń qazaq tobyna qabyldanyp, alǵashqy rólderin oryndady.

1970-1973 jyldary áskerı boryshyn ótegen soń Qazaq Memlekettik M.Áýezov atyndaǵy akademıalyq drama teatry janyndaǵy eki jyldyq stýdıaǵa oqýǵa túsip, belgili sahnager R.Seıtmetovtiń klasynan 1975 jyly bitirip shyǵady da, kórkemdik keńestiń sheshimimen qarashańyraq teatrdyń akterlik tobyna qabyldanady.

Teatr spektáklderine stýdıada oqyp júrgende-aq qatysqan onyń alǵashqy róli O.Bókeevtiń «Qulynym meniń» dramasyndaǵy Jigit edi.

Sodan beri ótken qyryq eki jyl ishinde ol sahnanyń úlken sheberine aınaldy.

Akter T.Aralbaıdyń qazaq kınosyna da eńbegi sińdi. Ár jyldary túsirilgen «Ajdaha jyly», «Shoqan Ýálıhanov» (rej.A.Áshimov),, «Azıat» (rej.L.Aranysheva), «Qyzjylaǵan», «Mustafa Shoqaı», (rej.S.Narymbetov), «Reketır», «Lıkvıdator» (rej.A.Sataev) kórkem fılmderinde, sondaı-aq «Toǵysqan taǵdyrlar», «Sarancha» (rej.A.Qarpyqov) teleserıaldaryndaǵy rólderimen sheber akter retinde jaqsy tanyldy.

Akter, rejıser shyǵarmashylyǵynyń eleýli bir qyry – ustazdyq. 1993 jyldan beri Respýblıkalyq J.Elebekov atyndaǵy estrada-sırk kolejinde «akterlik sheberlik» páninen sabaq bergen T.Aralbaıdyń shákirtteri búginderi respýblıka teatrlarynda, ózge de óner ordalarynda jemisti eńbek etti.

 
Bul maqala týraly ne oılaısyz?