Tatarstan bıligi jasóspirimderdi qorǵanys zaýyttarynda jumys isteýge tartýdy josparlap otyr, dep habarlaıdy Alash.KZ ulttyq portaly.
Tatarstan Úkimeti jastardy jumyspen qamtý boıynsha jańa baǵdarlama daıyndady. Bılik 14 jastan bastap jasóspirimderdi qorǵanys kesheni kásiporyndarynda jumysqa tartýdy josparlap otyr.
Atalmysh baǵdarlama sybaılas jemqorlyqqa qarsy saraptamadan ótetini aıtyldy. Bıliktiń ókilderi baǵlarlaramyń tıimdi tustary kóp ekendigine áleýmetti sendirip jatyr. Máselen, olardyń aıtýynsha, 14-18 jas aralyǵyndaǵy kámeletke tolmaǵan azamattardy jumysqa ornalastyrý reti jeńildep, "áleýmettik qaýipti jaǵdaıdaǵy otbasylardan" shyqqan jasóspirimder "dalada qalmaıdy".
Baǵdarlamada "qorǵanys-ónerkásip kesheni kásiporyndarynda" "35 jasqa deıingi jastardy jumyspen qamtýǵa járdemdesý" týraly arnaıy tarmaq bar. Sondaı-aq aýyl sharýashylyǵynda "jumyspen qamtýǵa járdemdesý" týraly tarmaq ta kózge iligedi.
Resmı statısıkaǵa sáıkes, Tatarstanda 14 pen 35 jas aralyǵynda mıllıonnan astam jas bar. Óńirde jumys isteıtin jastar sany jyl ótken saıyn azaıyp keledi. Olar 2021 jyly 771 myń adamdy bolsa, 2022 jyly 745 myń adamǵa deıin qysqarǵan.
Esterińizge sala keteıik, 2023 jyly Tatarstan Memlekettik Keńesi Eńbek kodeksine túzetýler engizýdi usynyp, jasóspirimderge 16 jasynan bastap zıandy jáne qaýipti óndiristerde jumys isteýge ruqsat berýdi suraǵan. Túzetýlerdi qarastyrý keıinge qaldyrylǵan.
