Almaty qalasynyń prokýratýrasy qala ortalyǵyndaǵy saıabaqty qaıtardy. Bul aýmaq Imanǵalı Tasmaǵambetov qala ákimi bolyp turǵan shaqta jekege ótip ketken.
Almaty qalasynyń prokýratýrasy málimetinshe, kópqabatty turǵyn úı salý úshin zańdy tulǵaǵa 2,8 gektar jer telimi zańsyz berilgen.
"Taldaý nátıjesinde 2007 jyly jergilikti atqarýshy organ Almaty qalasynyń bas josparynyń erejelerin jáne egjeı-tegjeıli josparlaý jobasyn elemeı, zańdy tulǵaǵa saıabaq aımaǵy qarastyrylǵan ýchaskege jeke menshik quqyǵyn bergen", - dep jazylǵan málimette.
Keıinnen bul jer shamamen 2,3 mıllıard teńge ótemaqy tólenip, memleket muqtajy úshin tárkilendi.
Ýákiletti organ qadaǵalaý aktisin oryndaý úshin Almaty qalasy ákiminiń qaýlysyn jáne odan keıingi azamattyq-quqyqtyq mámilelerdi zańsyz dep taný týraly talap aryz berdi.
2024 jylǵy 26 naýryzda apelásıalyq satydaǵy sot talaptardy tolyq qanaǵattandyrdy.
Aıta keteıik, Tasmaǵambetov 2004-2008 jyldary Qazaqstannyń eń iri qalasy Almatynyń ákimi qyzmetin atqardy.
