Elimizde sary aýrýǵa shaldyqqandar sany kúrt arty. Bul týraly Densaýlyq saqtaý mınıstrliginiń baspasóz qyzmeti habarlady. Syrqattyń belgileri qandaı?
2024 jyldyń basynan beri elde jiti A vırýstyq gepatıtiniń 850 jaǵdaıy tirkeldi, bul ótken jylmen salystyrǵanda 1,9 ese joǵary. Soǵan oraı, mınıstrlik bul syrqattan saqtaný joldaryn eske saldy.
A vırýstyq gepatıtiniń berilý joldary
A vırýstyq gepatıti las sýmen, lastanǵan taǵammen jáne naýqaspen baılanysta bolǵannan keıin kir qoldar arqyly beriledi.
A vırýstyq gepatıti aýrýynyń belgileri
Aýrýdyń belgileri – dene temperatýrasynyń joǵarylaýy, bastyń aýrýy, tábettiń tómendeýi, enjarlyq, júrektiń aınýy, qusý.
Inkýbasıalyq kezeń – 14-ten 35 kúnge deıin.
A gepatıtimen aýyratyn naýqas sımptomdar paıda bolǵanǵa deıin 2 aptada jáne bir aptadan keıin basqalarǵa juqpaly bolady.
Vaksınasıalaý A vırýstyq gepatıtinen qorǵaıdy
Vaksınasıalaýǵa jatady:
eki jastaǵy balalar;
ınfeksıa oshaqtaryndaǵy baılanystaǵy adamdar.
Gepatıt ınfeksıasynan qalaı saqtanýǵa bolady:
-tamaqtanar aldynda, dárethanaǵa barǵannan keıin, jumystan oralǵanda, serýendegende qolyńyzdy jýyńyz;
-shyq sý qoımalarynan qaınatylmaǵan sý ishpeńiz jáne onymen jemister men kókónisterdi jýýǵa bolmaıdy;
-lastanǵan sý aıdyndarynda shomylýǵa bolmaıdy.
