Tiri bolsam, qazaqqa qyzmet etpeı qoımaımyn!

Álıhan Bókeıhan

Súıinshi: Oksford ýnıversıtetinde qazaq tili oqylatyn boldy

25 sáýir 2024 424

Qazaqstanǵa Ulybrıtanıanyń Syrtqy ister mınıstri Devıd Kemeron keldi. Bul týraly QR Ǵylym jáne joǵary bilim mınıstrligi málimdedi. 

Ulybrıtanıa Syrtqy ister mınıstri Devıd Kemeronnyń Astanaǵa resmı sapary aıasynda qazaqtilin úırený jáne Qazaqstanda brıtandyq joǵary oqý oryndarynyń fılıaldaryn ashýǵa baǵyttalǵan memorandýmdarǵa qol qoıyldy.

Negizgi kelisimderdiń qatarynda A.Baıtursynov atyndaǵy Til bilimi ınstıtýty, Sh.Shaıahmetov atyndaǵy «Til Qazyna» ulttyq ǵylymı-praktıkalyq ortalyǵy, «Halyqaralyq baǵdarlamalar ortalyǵy» AQ jáne Oksford ýnıversıteti arasynda jasalǵan Oksford ýnıversıtetinde qazaq tilin oqytý baǵdarlamasyn iske qosý týraly memorandým bar.

Baǵdarlama Oxford Birsöz initiative CIC bastamasy arqyly ártúrli kolejdermen jáne fakúltettermen yntymaqtastyqty qamtıdy.

Sonymen qatar Narhoz ýnıversıteti men Belfasttaǵy Queen's University arasynda fılıal ashý týraly kelisim jasaldy.

Bul maqala týraly ne oılaısyz?