Tiri bolsam, qazaqqa qyzmet etpeı qoımaımyn!

Álıhan Bókeıhan

Túrme adamdy ózgertedi: Bıshimbaevtyń buryńǵy áıeli tyń aqparattarmen bólisti

23 sáýir 2024 510

Nazym Qaharman Qýandyq Bıshimbaevpen qalaı ajyrasqany týraly "Ýmnye lúdı s Asel Kojakovoı" ıýtýb arnasyna bergen suhbatynda aıtty.

"Kim ajyrasqysy keledi deısiz. Ajyraspas buryn aldyn ala daıyndalýymyz kerek. Ketýge jáne qarsy turýǵa moraldy jáne qarjylaı jaǵynan daıyn bolýymyz kerek. Áıtpese, ol jaqsylyqpen jibermeıdi", – dedi Nazym.

Nazym Qaharman Bıshimbaevtyń úsh jylǵa jýyq túrmede otyrǵanyn eske aldy. Ol bostandyqqa shyqqanda erli-zaıypty bir aı ǵana birge turǵan.

"Túrme adamdardy ózgertedi. Mundaı ómirlik synaqtan keıin adam túbegeıli ózgerip, ózin jaqsy kúıeý, jaqsy áke retinde kórsetýge tyrysady. Men oǵan sońǵy múmkindik berip kórdim. Túrmeden árqashan meniki durys degen oımen shyqty. Múmkin ózgergen shyǵar degen oı boldy. Biz bir aıǵa jýyq birge turyp kórdik. Alaıda ol ózgergen joq. Qýandyqpen kóp sóılestim, oǵan ózgerý úshin psıhologıalyq jáne rýhanı turǵyda jumys isteý keregin aıttym”, – dedi Nazym Qaharman.

Ol osy ýaqyt aralyǵynda Bıshimbaev ekeýiniń arasynda úlken janjal bolǵanyn, bul qaıtyp oralýǵa múmkindik bermeıtin jaǵdaıǵa aınalǵanyn aıtty.

"Shamamen úsh kún boıy urys-keristi toqtatýǵa tyrystym. Shyn máninde, zorlyqshylarǵa sizdiń emosıańyz kerek. "Sen jaman  áıelsiń?", "Nege sen úshin bárin jasadym?" degen syndy sózderdi aıta bastaıdy. Únemi seni kináli etip shyǵarǵysy keledi. Olar seniń qanyńdy, energıańdy, ashýyńdy, kóz jasyńdy, ózińdi kináli sezinýińdi qajet etedi", – dep qosty Nazym Qaharman.

Bul maqala týraly ne oılaısyz?