Sý tasqynynan zardap shekkenderge qosymsha 550 myń teńgeden tólenedi. Bul týraly úkimet basshysy málimdedi.
Qarjy tońazytqysh, ústel, oryndyq, ydys-aıaq, kıim-keshek sıaqty birinshi kezektegi qajetti zattarǵa arnalady.
Premer-mınıstr Oljas Bektenov bul úkimettiń atqaratyn úlken jumystarynyń basy ekenin alǵa tartty.
Aıtýynsha, qazirdiń ózinde 11 myńǵa jýyq otbasy 100 AEK kóleminde tólem alǵan. Kásipkerlerdiń shyǵyny da ótelmek.
«Bul – úlken jumystyń basy ǵana. Eshkim de kómeksiz qalmaıdy», - dep atap ótti úkimet basshysy.
