Soltústik Qazaqstan oblysynyń Taıynsha qalasyna sý tasqynymen kúreske kómekke kelgen túrkistandyq qutqarýshy qaıtys boldy. Bul týraly SQO Tótenshe jaǵdaılar departamenti baspasóz qyzmeti málimdedi.
2 sáýirge qaraǵan túni 45 jastaǵy Bekjan Baldanov Taıynsha qalasyndaǵy aýdandyq aýrýhananyń reanımasıa bólimine túsken. Alaıda dárigerler onyń ómirine arasha túse almady. Ólimge jiti mıokard ınfarktisi sebep bolǵan.
Er adam Túrkistan oblysy TJD Órt sóndirý jáne avarıalyq-qutqarý jumystary qyzmeti Saıran aýdanynyń № 6 órt sóndirý bóliminiń bólimshe komandıri bolyp eńbek etken.
Bekjan Baldanov Taıynsha qalasyna 1 sáýirde Túrkistan oblysynyń kúshteri men quraldary tobynyń quramynda sý tasqynyna qarsy is-sharalardy ótkizýge kómek kórsetý úshin keldi. Sol kúni keshke ózin nashar sezinip, keıin aýrýhanaǵa túsken. Petropavldaǵy aýrýhanaǵa jatqyzý úshin sanavıasıamen jetkizilmek bolǵan.
