Onyń aıtýynsha, kásibı dızaıner ne sýretshi bolmasa da Eltańbaǵa memlekettiń alǵa qoıǵan maqsattaryn belgileıtin sımvoldar kerek.
Habar telearnasynda «Eltańba ózgere me?» taqyryby aıasynda baǵdarlama túsiriliminde "Jańa Adamdar" jastar qozǵalysynyń múshesi Almat Qýanysh óz pikirin bildirdi, dep habarlaıdy Alash.KZ ulttyq portaly.
Júrgizýshi tarapynan «Jańa Adamdardyń» júrgizgen saýalnamasyna qatysty «qansha respondent qatysqanyn, qaı qalalarda, qansha jas aralyǵynda» degen suraqtar qoıyldy.
«Bul saýalnamany bizdiń belsendilerimiz Astana jáne Almaty qalasynda ótkizdi. Saýalnamaǵa 500 den astam ár túrli jastaǵy adam qatysty. Saýalnamaǵa qatysqandardyń 70 paıyzy Eltańbamyzdy qandaı beınede ekenin bilmeıdi. Eltańbada beınelengen qusta aıdahar sýretterin tańdaǵandar boldy. Olardyń qandaı maǵynada ekenin túsindirýge tyrysty.
Olar tipti Eltańba beınesiniń qandaı maǵyna beretinin de túsinbeıdi. Memlekettik statýstaǵy Eltańbamyz eldiń baǵyt-baǵdaryn jáne alǵa qoıǵan maqsatyn beıneleý kerek. Al ondaı qundylyqtardy halqymyz bilmese jáne túsinbese, sezinbese Eltańba óziniń basty fýnksıasyn oryndap turǵan joq degen sóz», - dedi Almat Qýanysh.
Onyń aıtýynsha, qazirgi Eltańbada qundylyq joq jáne túpkilikti qate degendi bildirmeıdi. Kez-kelgen memleket, ýaqyt árdaıym qozǵalysta bolady. Sol ózgeristerge beıimdele bilý kerek. Memlekettiń alǵa qoıǵan maqsattary men ustanymdary ózgerse osy tańba arqyly halyqqa jetkize bilý kerek.
Sońǵy ótken Quryltaıda Prezıdentimiz jańa Ádiletti Qazaqstan qurý úshin – bizdiń qoǵam bilimge qushtar, eńbekqor, shyǵarmashyl degen sıaqty qasıetterge ıe bolý kerek dedi.
«Bizdiń júrgizgen saýalnama boıynsha eshqandaı turǵyn ondaı sıpattama týraly aıtpady. Olar tek Qazaqstan týraly kózqarastaryn aıtty. Memlekettiń qoıǵan maqsattary halyqqa aıqyn emes», - dedi ol.
Onyń aıtýynsha, kásibı dızaıner ne sýretshi bolmasa da Eltańbaǵa memlekettiń alǵa qoıǵan maqsattaryn belgileıtin sımvoldar kerek.
QR Mádenıet jáne aqparat mınıstrligi geraldıkalyq zertteýler ortalyǵynyń bas mamany Asyljan Bıjanovtyń aıtýynsha, Prezıdenttiń aıtqan sózinde eki ıdeıa jatyr. Sony qoǵam talqylaýyna salyp sheshýimiz kerek.
