Tiri bolsam, qazaqqa qyzmet etpeı qoımaımyn!

Álıhan Bókeıhan

"Jarty mıllıon adamnyń ómiri qyl ústinde tur". Qazaqstannyń 10 oblysyn sý basty

29 naýryz 2024 184

Qazir eldiń 10 oblysy qarǵyn sýdyń zardabyn tartyp jatyr,keıbir oblystarǵa qaýip tóndirip tur. Keıbir aımaqta tótenshe jaǵdaı jarıalanǵan.

"Bir úıdi sý alsa da úlken qaıǵy, al qazir jarty mıllıon adamnyń ómiri qyl ústinde tur" dedi májilis depýtaty Sergeı Ponomarev 27 naýryzda úkimet múshelerine sý tasqynyna baılanysty joldaǵan depýtattyq saýalynda. Ol úkimet pen ákimdikterdi kóktemgi tabıǵı apatqa daıyn emes dep synady.

Al agrosarapshy Kırıl Pavlov "Qazaqstanda sý tapshy degendi aıǵaı salyp aıtamyz, biraq kóktemde topan sýdan zardap shegemiz. Iaǵnı sýdy basqarýdy, saqtaýdy úırene almaı kelemiz", – dedi tilshilerge.

Qazaqstan úkimetiniń 28 naýryz túske deıingi málimeti boıynsha, ár aımaqta 100-den astam tasqyn tirkelip, 297 úı sý astynda qaldy. 18 joldy sý shaıyp, eki kópir buzyldy. Ázirge aımaqtarda keltirilgen materıaldyq shyǵynnyń mólsheri aıtylǵan joq.

Tótenshe jaǵdaılar mınıstrligi Aqtóbe, Aqmola, Atyraý, Qostanaı, Batys Qazaqstan, Shyǵys Qazaqstan, Ulytaý, Qaraǵandy, Pavlodar jáne Abaı oblystaryna qaýip tónip turǵanyn habarlady.

27 naýryzdaǵy málimetke súıensek, 1431 adam evakýasıalanǵan, onyń 312-si – bala. Keıbir aýmaqta turǵyndar qaýipsiz jerge tikushaqpen jetkizilgen.

Tótenshe jaǵdaılar mınıstrligi Qostanaı oblysynyń Jańaqala, Ekidiń, Aqkisi, Qyzyljuldyz aýyldary jáne toǵyz qystaqtyń turǵyndary Arqalyq qalasynyń evakýasıa pýnkterine jetkizildi dep málimdedi.

Bul maqala týraly ne oılaısyz?