Aýyl sharýashylyǵy mınıstrligi sý basqan óńirlerinde qabyldanyp jatqan is-sharalar nátıjesin habarlady, Alash.KZ dep jazdy ulttyq portaly.
Nátıjesinde 60,0 myńnan astam aýyl sharýashylyǵy janýarlary qaýipsiz ýchaskelerge kóshirildi. Onyń ishinde: Aqmola oblysy – 18,8 myń bas, Qostanaı oblysy – 12,9 myń bas, Aqtóbe jáne Atyraý oblystarynda – 10 myń bastan kóp, BQO – 4,5 myń bas, Qaraǵandy oblysy – 1,5 myń bas.
Sonymen qatar, sý tasqyny saldarynan mal ólimi oryn aldy, jedel derekter boıynsha respýblıkanyń jeti óńirinde sany 5 711 basty qurady, onyń ishinde İQM – 1 137, usaq mal – 4 051, jylqy – 457 jáne basqa da aýyl sharýashylyǵy janýarlary.
Alǵashqy kúnderden bastap, sý basqan aýmaqtardaǵy epızootıalyq jaǵdaıdyń nasharlaýyna jol bermeý maqsatynda Mınıstrliktiń Respýblıkalyq epızootıaǵa qarsy otrády oblys ákimdikterimen birlesip shyǵyn bolǵan janýarlar ólekselerin jınaý jáne joıý jumystaryn júrgizýde. Jalpy is-sharalardy júrgizý úshin tıisti 90 birlik tehnıka, qyzmetkerler shtaty jáne joıý sharalary úshin qajetti dezınfeksıalyq zattar bar.
Búgingi tańda 1013 bas, sonyń ishinde İQM -133, UM – 809 jáne jylqy – 64 órtelip joıyldy.
Sonymen qatar, aýyl sharýashylyǵy janýarlarynyń ıelerine ótemaqy tóleýge qatysty algorıtm ázirlengeni, halyqqa jáne zalal anyqtaý jónindegi komısıanyń nazaryna jetkiziletini aıtyldy.
