Tiri bolsam, qazaqqa qyzmet etpeı qoımaımyn!

Álıhan Bókeıhan

Stýdentter endi birden úsh dıplomnyń ıesi bola alady

25 sáýir 2024 1363

Stýdentter endi birden úsh dıplom ala alady. Bul týraly Ǵylym jáne joǵary bilim mınıstrligi málimdedi. 

L.N.Gýmılev atyndaǵy Eýrazıa ulttyq ýnıversıteti, M.V.Lomonosov atyndaǵy Máskeý memlekettik ýnıversıteti jáne Shenchjendegi MMÝ-PPI ýnıversıteti birlesken bilim berý baǵdarlamalaryn ázirleýge nıetti. Oqýdy sátti aıaqtaǵan stýdentterge joǵary bilim týraly úsh dıplom beriletin bolady.

Bul úsh ýnıversıtet arasyndaǵy ǵylymı jáne bilim salasyndaǵy yntymaqtastyq týraly kelisimniń arqasynda múmkin bolmaq. Qujatqa Máskeýde ótken «Ýnıversıtetter jáne bolashaq» halyqaralyq forýmy barysynda EUÝ rektory Erlan Sydyqov, MMÝ rektory Vıktor Sadovnıchıı, Shenchjen qalasyndaǵy MMÝ-PPI rektory Lı Hechjan qol qoıdy.

Kelisim sheńberinde taraptar birlesken bilim berý baǵdarlamalaryn ázirleıdi, oqytýdyń ozyq ádisterin damytýda tájirıbe almasady, sondaı-aq jetekshi zertteýler boıynsha jarıalanymdar men materıaldar almasyp,  birlesken ǵylymı jobalar men baǵdarlamalardy júzege asyrady.

Bul maqala týraly ne oılaısyz?