Alaıda belsendiler ýtılalym mólsheri áli de tómendeýi tıis dep sanaıdy. Oǵan qosa vıse-premer Roman Sklárdyń «otstavkaǵa» ketýin talap etken petısıa da jarıalandy. Petısıaǵa qol qoıýshy azamattar:
«Ýtılızasıalyq alymnyń kesirinen azyq-túlik baǵasynyń qymbattaýyna ári halyqtyń narazylyǵyna qaramastan vıse-premer Roman Sklár aýylsharýashylyq tehnıkasyna salynatyn salyqty alyp tastaýǵa úzildi-kesildi qarsy. Roman Sklárǵa halyqtyń múddesinen góri birneshe kompanıanyń múddesi mańyzdy bolyp tur. Bulaı bolmaıdy», - dep jazdy.
Búgin ýtılalym máselesine baılanysty qoǵam synyna ushyraǵan premer-mınıstrdiń birinshi orynbasary Roman Sklár ózine qatysty syn men «ostavkasy» jóninde pikir bildiripti. «Eger men qatelik jibersem, eldiń aldynda jaýap beremin!», - deıdi vıse-premer-mınıstr.
«Halyqtyń aldynda ashyq jumys istep jatyrmyn. Eger qate jasasam, jaýap beremin. Biraq, búginde biz ne ónerákásibi bar, ne ónerkásibi joq el bolamyz. Meniń sol úshin janym aýyrady. Erteń tek munaımen kún kóre almaımyz. Sondyqtan, sizderdi osy máselege tereń qaraýǵa shaqyramyn. Barsha qabyldanǵan sheshimder úshin jaýapkershilikti óz moınyma alamyn», - deıdi Roman Sklár.
