Qazaqstan Respýblıkasy Sý resýrstary jáne ırrıgasıa Mınıstrligi Qazaqstan tarapyna aıyp taqpaq bolǵan Vladımır Iakýshevtiń málimdemesin joqqa shyǵardy,dep habarlaıdy Alash.KZ ulttyq portaly.
Tobyl ózeniniń boıyndaǵy sý Reseıden keledi. Tıisinshe, sý jiberý týraly sheshim Reseı tarapynan keletin aǵynǵa saı qabyldanady. Sondyqtan, Qazaqstan Reseıdegi sý tasqynyna áser etedi dep aıtý durys emes. Bul shyndyqqa janaspaıdy.
2 sáýirden bastap Qazaqstan jaǵy Reseı tarapyna Tobyl ózeni boıynsha sý ótkizý jónindegi sheshimder týraly aqparat berip otyr.
Taraptar táýlik boıy sý aǵynynyń ulǵaıýyna nemese azaıýyna qaraı málimet almasady. Sol sebepti kez-kelgen kelisilmegen áreket týraly sóz joq.
Qazaqstandyq tarap Reseı jaǵymen syılastyq, kórshilik áriptestik rýhynda yntymaqtastyqty ári qaraı jalǵastyrýǵa, aqparat almasýǵa daıyn, -dedi mınıstrlik.
Esterińizde bolsa, Reseıdiń tabıǵı apatpen kúreske kelgendegi dármensizdigine Qazaqstan "kináli bolǵan" edi. Atap aıtqanda,Reseı prezıdenti Vladımır Pýtınniń ókiletti ókili Qorǵan men Túmen oblystaryndaǵy bolǵan sý tasqynyna bola Qazaqstandy aıyptaǵan.
Eger Qazaqstan óz bógenderindegi sýdy aǵyzý jaǵyn bizben jaqsyraq kelisse, Qorǵan jáne Túmen oblystaryndaǵy sý tasqynynyń saldary asa aýyr bolmas edi, dedi Reseı Federasıasy Prezıdentiniń Oral federaldy okrýgindegi jarty tóraǵasy Vladımır Iakýshev. Bul jaıly Iakýshev RBK-ǵa bergen suhbatynda málimdedi.
"Bizge qytymyr qys bolǵanda, qar kóp mólsherde jaýǵanda, sý qoımasynda sýdyń jetkilikti úlken qory jınalǵanda sý qoımalaryndaǵy sýdy aǵyzý tetikterin júıeleý kerek. Sebebi, munyń bári kelisilip, sýdyń birkelki jáne durys bólinip aqqany jón. Sondyqtan bizde áriptesterimizben [Qazaqstannan] retteıtin, basyn ashyp alatyn dúnıe óte kóp", — dedi ol. Onyń aıtýynsha, Qorǵan jáne Túmen oblystaryndaǵy sý tasqyny problemalarynyń aldyn alýǵa bolar edi,- degen bolatyn Iakýshev.
