Tiri bolsam, qazaqqa qyzmet etpeı qoımaımyn!

Álıhan Bókeıhan

Shirigen trýba, eskirgen qazandyq, «keńesten qalǵan» nasos. 160 mlrd teńge qaıda ketti? - depýtat

13 jeltoqsan 2023 42


Depýtaty Erlan Saırov depýtattyq saýalynda birinshi aıaz túsýmen elimizdiń komýnaldyq ınfraqurylymynyń syr bere bastaýy dástúrge aınalyp otyrǵanyn aıtty.




Májilismen óz sózinde respýblıka boıynsha tozyǵy jetken jylý ortalyqtary men ınfraqurylym 80 prosentten asyp ketkenin málimdedi. Al, olardyń kóbi 50 jyldan astam ýaqyt boıy qoldanylýda. Bul qaýipti jaǵdaı.
“Byltyrǵy, Ekibastuz, Rıdder, Balqash, Kókshetaý, Qaraǵandy, Temirtaý, Petropavl qalalaryndaǵy apattar qordalanǵan máselelerdiń aıqyn kórinisi. Soǵan qaramastan, biz jylyna bul salada tek 5-7 prosentke ǵana jańaryp otyrmyz. Bul tipti, eldegi eskirý úrdisiniń ornyn toltyrmaıdy.Olaı jalǵasa berse, jylý energetıkasyndaǵy kollaps ornaýy bek múmkin.

Shirigen trýba, eskirgen qazandyq, «keńestik zamannan qalǵan» nasostardy aýystyratyn ýaqyt ótip ketkenin bárimiz bilemiz.

Ekinshiden, byltyr ǵana jylý salasyndaǵy ınfraqurylymnyń tozýyn azaıtý maqsatynda arnaıy 160 mıllıard qarjy bólinse de, syqyrlaǵan aıazǵa tótep bere alar emespiz.

Úshinshiden, jyl basynda Parlamentte Joǵarǵy aýdıtorlyq palatasynyń «Jylýmen jabdyqtaý salasy» boıynsha qorytyndy esebinde 100-den asa naqty usynystar men júıeli syndar aıtyldy. Usynys retinde berildi. Biraq, sol usynystar boıynsha ne jaýap, ne atqarylǵan isti biz kórmedik.
Osylaı tizip kete berýge bolady. Sondyqtan bul saladaǵy menejment pen baqylaýdy kúsheıtýimiz kerek. Mysaly, ótken jyly AMANAT partıasy ókilderi Ekibastuz halqyna myńdaǵan úı jylytqysh pen jyly kórpe tasyp, halyqty jylytqanyn bilesizder. Bıyl osyndaı jaǵdaıdy qaıtalatýǵa Úkimettiń esh haqysy joq”, – dedi E.Saırov.

Májilis depýtaty jaýapty mınıstrler jyly kabınetterinen shyǵyp, barlyq jınalystaryn qysqartyp, aıazdy kúnderi jylý ortalyqtarynyń bas-qasynda júrýi kerek ekenin aıtty.
“2022-2023 jyldary Memleket basshysynyń tikeleı tapsyrmasymen bólingen qarajattardyń esebine qatań analız jasalýy tıis. Bul saladaǵy árbir jemqor qatań jazalanýy tıis!

Osy kúnderi óńirlerdegi operatıvti shtabtardyń jumysyn «eki eselengen 24/7 rejımine» kóshirý qajet.

Ákimdikter men Úkimet osy saladaǵy óńirlik qaýipti zonalar boıynsha «Rıskter kartasyn» daıarlap, olar boıynsha naqty maqsattyq algorıtm josparyn daıarlap qoıýy tıis!” – dedi depýtat «AMANAT» fraksıasy músheleri atynan.

Buǵan deıin premer-mınıstrdiń birinshi orynbasary Roman Sklár bir-eki jyl ishinde barlyq máselelerdi sheshý múmkin emes ekenin aıtqan bolatyn.

Bul maqala týraly ne oılaısyz?