Tiri bolsam, qazaqqa qyzmet etpeı qoımaımyn!

Álıhan Bókeıhan

SHESHİMDİ BİRAÝYZDAN QABYLDADY

14 mamyr 2022 102
Almaty ardagerleri Konstıtýsıaǵa engiziletin ózgeristerdi qoldaýǵa shaqyrdy.

Almaty qalasy Ardagerler keńesiniń Tóralqasy 230 myń ardagerdiń atynan qazaqstandyqtar men qala turǵyndaryn aldaǵy referendýmǵa qatysýǵa, eldegi demokratıalyq qubylystardyń damýy men Jańa Qazaqstan úshin quqyqtyq negiz bolatyn Konstıtýsıaǵa engiziletin ózgeristerdi qoldaýǵa shaqyrdy.



Almaty qalalyq Ardagerler keńesi keńeıtilgen tóralqasynyń qatysýshylary «Qazaqstan Respýblıkasynyń Konstıtýsıasyna ózgertýler engizý boıynsha referendýmdy qoldaý jónindegi Almaty qalalyq Ardagerler keńesiniń mindetteri týraly» máseleni talqylady. Qalalyq jáne aýdandyq Ardagerler keńesiniń músheleri Prezıdent Q.J.Toqaevtyń Ata Zańnyń keıbir baptaryna ózgerister engizý jónindegi respýblıkalyq referendým ótkizý týraly bastamasyn qoldaý týraly sheshimdi biraýyzdan qabyldady.

Memleket basshysy «Referendýmnyń basty maqsaty – Jańa Qazaqstandy qurý» ekenin atap ótti. Ol eldiń árbir azamatyna elimizdiń bolashaǵyn aıqyndaıtyn tarıhı oqıǵaǵa tikeleı qatysýǵa múmkindik beredi.

–  Halyqtyń aldyndaǵy jaýapkershilikti sezine otyryp, referendým ótkizý saıası damýdyń kelesi kezeńderine ótýdi bildiredi. El taǵdyryn tańdaıtyn reformaǵa depýtattar ǵana emes, búkil halyq qatysýǵa tıis. Konstıtýsıanyń 30-dan astam babyna ózgeris engizý jáne 20-dan astam Zańdy qabyldaý eskerildi. Iaǵnı eldiń quqyqtyq júıesiniń basym kópshiligi ózgeriske ushyraıdy. Halyq ony tolyqtaı túsinip, daýys berýge tıis. Sebebi, bunyń bári azamattardyń ıgiligi úshin jasalady. Qazirdiń ózinde qalalyq jáne aýdandyq keńes músheleri arnaıy shtab quryp, belsendi azamattar halyqtyń aldyna shyǵyp, reformanyń baǵyttaryn túsindirip, birqatar jumystar atqarylýda. Biraq biz keıbir konstıtýsıanaldyq máselelerdi aıtýymyz kerek,– dedi Almaty qalasy Ardagerler keńesiniń tóraǵasy Ahan BIJANOV.

 

Sýretti túsirgen Qaırat QONYSBAI

 
Bul maqala týraly ne oılaısyz?