Keńes áskerleriniń Aýǵan jerinen shyǵarylǵanyna 35 jyl tolýyna oraı uıymdastyrylǵan sporttyq sharaǵa Shekara akademıasynyń turaqty jeke quramy qatysty.
Sportty janyna serik etken shekarashylar taza aýada tynystap bir demalyp qaldy. Shańǵy jolyna shyqqan belsendilerdiń ishinde kásibı shańǵyshylar joq. Tek qarapaıym áýesqoılar. Áskerıler jas erekshelikterine qaraı jeti topqa bólindi. Olardy Shekara akademıasynyń birinshi orynbasary polkovnık A.Ismaılov quttyqtady.
«Barshańyzdy búgingi sport merekesimen quttyqtaımyn. Búgin kún raıy bulynǵyr. Azdap yzǵyryq aıaz bolyp tur. Qazir kórsetilgen qashyqtyqty shańǵy jolymen syrǵanaı otyryp jarysqa túsesizder. Jalpy erejeni mamandar túsindiredi. Sport – densaýlyq kepili. Sportpen shuǵyldanýdy ádetke aınaldyryńyzdar», - dedi ol.
Shekarashylardyń qatardaǵy jaýyngerden polkovnıkke deıin aıaqtaryna shańǵy baılap jarys jolyna shyǵýy jarys kórigin odan saıyn qyzdyrdy. Sportty aınymas serigine aınaldyrǵan polkovnık J.Kanaev qyzmetten qoly qalt etse boldy, qolyna taýly shańǵysyn kóterip Shymbulaqqa tartyp otyrýdy dástúrge aınaldyrǵan eken. Áıtse, de taý shańǵysyna baýyr basyp qalǵan shekarashy jarysqa túsetin júgirý shańǵysyn urshyqsha ıirip áketti. Ýaqytynan buryn jetip áripteseriniń aldy bold y.
Birneshe saǵatqa sozylǵan shańǵy sportynyń qorytyndysy boıynsha, áıelder arasynda birinshi oryndy maıor D.Kalabaeva bolsa, ekinshi oryndy serjant J.Sabanchıeva, úshinshi oryndy podpolkovnık A.Sermagambetova aldy.
Osylaısha, kezekshilik-komendanttyq bólimine qarasty jaýyngerlik daıyndyq bólimshesiniń uıymdastyrýymen júzege asqan sharada, uıymdastyrýshylar belsendilik tanytqan úzdik bólimshelerdi de baǵalaǵan eken. Onda birinshi oryndy 2-oqý dıvızıony, ekinshi oryndy 1-arnaıy kafedrasy, úshinshi oryndy áskerı medısıanlyq bólimi ıelengen.
Janat Jabyrbekov,
QR UQK Shekara akademıasynyń baspasóz hatshysy
