Shaıbaly hokeıden Qazaqstan quramasy Ulybrıtanıa quramasymen baq synasyp, jeńiske jetti. Joldastyq kezdesý álem chempıonatyna daıyndyq aıasynda ótti, dep habarlaıdy Alash.KZ ulttyq portaly.
Kezdesý barysynda qazaqstandyq hokeıshiler qarsylasynan 5:2 esebimen basym tústi. Shabýylshy Nıkıta Mıhaılıs het-trıktiń avtory atandy.
Ulybrıtanıa - Qazaqstan 2:5 (1:0; 0:2; 1:3)
1:0 - Kırk (Holbert) - 05:40
1:1 - Mıhaılıs (Savıskıı, Grens) - 28:16
1:2 - Mıhaılıs (Orehov, Savıskıı) - 31:54
1:3 - Shestakov (Starchenko) - 42:35 GB
2:3 - Rýopp (Kırk) - 45:23
2:4 - Starchenko (Mıhaılıs) - 47:59
2:5 - Mıhaılıs (Starchenko) - 59:27 PV
Qaqpashylar: Ýıstl (Boýnz 29:36 -60:00) - Shýtov
Eske sala keteıik, el quramasy 10 sáýirden bastap elordada ótetin elıtalyq dıvızıondaǵy álem chempıonatyna daıyndyqqa kirisken bolatyn.
Oqý-jattyǵý jıynyna sheteldik jáne otandyq klýbtarda oıyn kórsetetin hokeıshiler shaqyrý alǵan.
Qazaqstandyq hokeıshiler 2021 jyldan beri elıtalyq dıvızıonda oıyn kórsetip keledi.
Qazaqstan quramasy V tobynda Fransıa, Slovakıa, Latvıa, Shvesıa, Germanıa, AQSH jáne Polshamen synǵa túsedi.
Alǵashqy oıynyn Qazaqstan quramasy 11 mamyrda Fransıa quramasyna qarsy ótkizedi.