Qaraǵandy oblysy polısıa departamenti Shahtınsk qalasyndaǵy kópqabatty úıdiń 8-shi qabatynan áıel adamnyń sekirip ketkenin habarlady. Bul týraly Alash.kz málimdeıdi.
Oqıǵa 8 sáýir kúni bolǵan.
– Alǵan jaraqattarynyń saldarynan ol kóz jumdy. Bul fakt polısıada tirkelip, tergeý júrgizilip jatyr, – delingen habarlamada.
Áleýmettik jelilerde bul qaıǵyly oqıǵanyń vıdeosy tarap ketti. Departament baspasóz qyzmeti áıeldi sekirip ketti dep aqparat taratsa, vıdeoda segizinshi qabattan jetinshige balkon arqyly ótip bara jatqan sátte qoly taıyp mert bolǵandyǵy anyq baıqalady.
“Bul jaldamaly páter, Raıka sol pátermen aınalysady” deıdi túsirip turǵan adam. Tómen jaqta qutqarýshylardy kórýge bolady.
