Tiri bolsam, qazaqqa qyzmet etpeı qoımaımyn!

Álıhan Bókeıhan

"Saıası málimdeme" jasamaq bolǵan Bolat Ábilov baspasóz jıynyn basqa kúnge aýystyrdy

12 mamyr 2022 144
[ad_1]



12 mamyrda "saıası málimdeme" jasamaq bolǵan qazaqstandyq kásipker Bolat Ábilov jıynǵa bir kún qalǵanda baspasóz jıynyn basqa kúnge aýystyrǵanyn málimdedi. Onyń aıtýynsha, ótken aptada sharany ótkizýge kelisken qonaq úı ábden taqalǵanda jıyndy ótkizýden bas tartqan.


Ótken aptada keliskenimizben búgin (11 mamyr – red.) bizge sharany ótkize almaıtynyn aıtty. "Zal bos emes jáne durys qaramaptyq" dedi. Keshirim surady. Meniń oıymsha, olarǵa qysym jasaǵan sıaqty, – dedi Bolat Ábilov Azattyqqa.


Osyǵan deıin jýrnalıserge 12 mamyrda Almatydaǵy qonaq úılerdiń birindegi konferensıa zalynda baspasóz jıyny ótetini jaıly habarlama túsken. Onda Bolat Ábilovtiń málimdeme jasaıtyny da habarlanǵan edi. Biraq jaı-japsary aıtylmaǵan. Keıbir belsendiler men saıasattanýshylar Bolat Ábilov partıa quratynyn málimdeıdi dep boljaǵan.


Sársenbi kúni Azattyq tilshisi saıasatkerden osy jóninde suraǵan kezde aqparatty rastamady, teristemedi de. Ol konferensıanyń ýaqyty men ornyn aldaǵy ýaqytta habarlaıtynyn jetkizdi.


Bolat Ábilovtiń oıynsha, keıingi kezde ony bireýler "ańdyp", "áńgimelerin tyńdaı bastaǵan". Ol jýyrda Qańtar qyrǵyny kezinde 200-den astam adamnyń ólimine kúdiktiler áli anyqtalǵan joq dep málimdegen. Ol osy jaıt baspasóz jıynynyń ótpeı qalýyna sebep bolýy múmkin dep topshylaıdy. Saıasatker bılikti "óz azamattaryna tırda atqandaı oq atqan qanisherlerdiń atyn atap, túsin tústegisi kelmeıdi" dep taǵy aıyptady.


Kásipker, saıasatker Bolat Ábilov – 2000-jyldardyń basynda "Qazaqstannyń demokratıalyq tańdaýy" qoǵamdyq birlestigi saıası keńesiniń múshesi, "Aqjol" partıasynyń teń tóraǵasy bolǵan. 2013 jyly qyrkúıekte Ábilov "shyǵarmashylyqpen" aınalysatynyn málimdep, saıasattan ketken.


Qańtar oqıǵasynan keıin Ábilov ınternette vıdeomálimdeme jasap, qańtar qurbandaryn eske alý úshin "qaraly jıynǵa" shaqyrǵan. Ol mıtıń kezinde "birinshi prezıdent týraly" zańnyń kúshin joıyp, Nazarbaev kóshesin Qańtar dep atap, onda oqıǵa qurbandaryna eskertkish ornatýdy usynǵan.


Birneshe aptadan soń belsendilermen birge Ábilov te ustalyp, ákimshilik jazaǵa tartyldy. Aksıaǵa qatysqandardyń keıbiri ákimshilik qamaýǵa alyndy. Ábilovke aıyppul salyndy.







[ad_2]

Derekkóz
Bul maqala týraly ne oılaısyz?