Prezıdent Qasym-Jomart Toqaevtyń bas hatshysy Berik Ýálı Jambyl oblysynyń eks-ákimi Berdibek Saparbaevtyń otstavkaǵa ketýine qatysty pikir bildirdi.
«Berdibek Saparbaevty Táýelsiz Qazaqstannyń qurylýy men qalyptasý kezeńinen bastap, elimizdiń búgingi damý belesine deıin súbeli úles qosqan memleket jáne qoǵam qaıratkeri dep esepteımin. Eki prezıdent, 11 premer-mınıstrmen qoıan-qoltyq eńbek etipti. Sol Úkimet basshylarynyń ekeýine orynbasar bolǵan eken. Al endi 5 oblysqa ákim bolǵany – tek Saparbaevqa ǵana tán fakt. Sondyqtan sanaly ǵumyryn memleket pen qoǵamnyń damýyna arnaǵan Berdibek Máshbekuly sıaqty azamatqa qurmetim joǵary. Qalaı desek te otandyq memlekettik qyzmet salasynda «Saparbaev menejmenti» qalyptasty dep esepteımin» dep jazdy Berik Ýálı óziniń Facebook paraqshasynda.
Derekkóz
