Tiri bolsam, qazaqqa qyzmet etpeı qoımaımyn!

Álıhan Bókeıhan

«SAMURYQ-QAZYNA» MEN QARJYLYQ MONITORIŃ AGENTTİGİ MEMORANDÝMǴA QOL QOIDY

26 sáýir 2022 140
«Samuryq-Qazyna» AQ men Qarjylyq monıtorıń agenttigi yntymaqtastyq týraly memorandýmǵa qol qoıdy.

 

Búgin «Samuryq-Qazyna» AQ Basqarma tóraǵasy Almasadam Sátqalıev pen Qazaqstan Respýblıkasy Qarjylyq monıtorıń agenttiginiń tóraǵasy Janat Elımanov Qor men Agenttik arasyndaǵy yntymaqtastyq týraly memorandýmǵa qol qoıdy.

Taraptar Qor men onyń portfeldik kompanıalary qyzmetiniń ashyqtyǵyn arttyrý, sondaı-aq Qor kompanıalary jumys isteıtin salalardaǵy ekonomıkalyq jáne qarjylyq quqyq buzýshylyqtardyń aldyn alý maqsatynda aqparat almasýǵa nıetti.

Bul munaı-gaz, energetıka, taý-ken ónerkásibi, kólik jáne telekomýnıkasıa salalaryn qamtıdy. Memorandým sondaı-aq Agenttik pen Qor tobynyń uıymdary arasyndaǵy satyp alý salasyndaǵy yntymaqtastyqty qarastyrady.

Memorandým sheńberinde Agenttik tarapy Qorǵa kvazımemlekettik sektordaǵy quqyq buzýshylyqtar týraly jáne qylmystyq jolmen alynǵan kiristerdi zańdastyrý faktileri jóninde aqparat berýge; anyqtalǵan zıan keltirý táýekelderi týraly aqparatty Qorǵa ýaqtyly jiberýge; Qorǵa ekonomıkalyq jáne qarjylyq quqyq buzýshylyqqa qarsy is-qımyl boıynsha ádistemelik jáne konsýltasıalyq kómek kórsetýge; komplaens, ishki aýdıt jáne táýekelderdi basqarý fýnksıalaryn kúsheıtý úshin birlesip jumys isteýge nıetti.

Qor óz kezeginde qylmyspen kúres jónindegi bastamalar men is-sharalarǵa belsendi túrde qatysady; Qor tobynda anyqtalǵan ekonomıkalyq jáne qarjylyq quqyq buzýshylyqtar týraly Agenttikke habarlaıdy; Agenttikten tıisti aqparat alǵan jaǵdaıda Qor tobyna kiretin uıymdarda tekserýler júrgizedi; Qazaqstan Respýblıkasynyń ekonomıkalyq jáne qarjylyq quqyq buzýshylyqtarǵa qarsy is-qımyl týraly zańnamasyn jetildirý boıynsha usynystar engizedi.

Memorandým uzaq merzimge jasaldy jáne qol qoıylǵan kúnnen bastap kúshine enedi.
Bul maqala týraly ne oılaısyz?