Tiri bolsam, qazaqqa qyzmet etpeı qoımaımyn!

Álıhan Bókeıhan

Reseı Kıevtegi brıtan keńesshilerine ses kórsetti

27 sáýir 2022 135
[ad_1]



Reseı qorǵanys mınıstrligi Ýkraına brıtan keńesshileriniń arandatýymen federasıa aýmaǵyna shabýyldasa, "Kıevtegi sheshim qabyldaý ortalyqtaryna" soqqy jasalady dep qorqytty.

Munyń aldynda Ulybrıtanıa qorǵanys mınıstriniń orynbasary Djeıms Hıppı Ýkraınanyń batys qarýymen Reseıdiń áskerı nysandaryn atqylaý múmkindigi "zańdy" dep málimdegen.

Djeıms Hıppıdiń pikirinshe, shabýyl nysandaryn qarý óndirýshiler men ony jetkizýshiler emes, ýkraındardyń ózderi anyqtaıdy.

Osy turǵydan alǵanda, Reseıdiń Batys Ýkraınadaǵy áskerı nysandardy atqylaýy zańdy dep esepteledi. "Bul da soǵystyń bir bóligi", - dedi Hıppı.

Reseı qorǵanys mınıstrligi bul málimdemeni arandatý dep qabyldap, Kıev osyndaı qadamǵa barsa, mundaı soqqylardy ózi de jasaıtynyn eskertti.

"Reseı qarýly kúshteri Kıevtegi osy tárizdes sheshim qabyldaý ortalyqtaryn atqylaýǵa jaraıtyn uzaq qashyqqa arnalǵan qarý qoldanýǵa daıyn", - dep jaýap berdi mınıstrlik. Reseı mundaı ortalyqtarda batys elderiniń keńesshileri jumys isteıdi dep esepteıdi.

Máskeý Kıevtegi "sheshim qabyldaý ortalyqtaryn" atqylaýy múmkin ekenin buǵan deıin de eskertken. Mundaı ortalyqtarda shetel keńesshileri bar-joǵy beımálim.

AQSH, Ulybrıtanıa, Polsha, Germanıa jáne basqa da elder Ýkraınaǵa qarý-jaraq jetkizip, onyń qorǵanys salasyna qajetti basqa da kómek berip otyr. Ýkraına prezıdenti Vladımır Zelenskıı mundaı kómekti arttyra túsýin suraǵan.



[ad_2]

Derekkóz
Bul maqala týraly ne oılaısyz?