Reseıde Orsk pen Orynbordyń artynan Tomsk qalasy sýǵa ketti. Tótenshe jaǵdaılar mınıstrligi ózendegi muzdy jaryp, joǵary sýdy toqtatýǵa tyrysty, biraq bul kómektespedi. Bul týraly Skifnews.kz aqparat portaly jazdy.
Reseıde iri sý tasqyny jalǵasýda. Qazir Tomsk, Qorǵan qalalaryn sý basyp jatyr. Buǵan deıin Orsk pen Orynbordy sý basqan edi. Ózenderdegi sý deńgeıi kúrt kóterilip, topyraq bógetter buzylyp, kópirlerdi úlken muz kesekteri ushyryp áketýde.
Orynbor oblysynan keıin Tomsk qalasy sý astyna kete bastady. Qala ákimi qazirdiń ózinde kórshiles «Levobereje» SNT-ny evakýasıalaý bastalǵanyn aıtyp, sýdyń óte jaqyn qalǵanyn jetkizdi. Bir kún buryn júrgizilgen muzdy jarý jumystarynyń sátsiz bolýynan ózendegi sý deńgeıi rekordtyq deńgeıge kóterildi.
Qorǵan oblysynyń gýbernatory Tobyl ózenindegi sý deńgeıi 556 santımetrge jetkenin atap ótip, turǵyndardy sý basqan aýmaqtardag kóshirýge shaqyrdy.
