Respýblıkalyq qoǵamdyq "Ádildik joly" birlestiginiń dırektory Dıdar Smaǵulov Facebook-taǵy paraqshasynda Túrkistan oblysyndaǵy sý bógetine qatysty zańsyzdyqty anyqtaǵany týraly málimet berdi. Qaǵaz júzinde kórsetilgen merdigerlerdiń kelisimshartynda olqylyqtar baıqalǵan. İs júzinde bóget ornynda joq bolyp shyqqan.
Oqıǵa ornyna barǵan Dıdar Smaǵulov qujatta kórsetilgen sý bógetiniń joq ekenin málimdedi.
"Munda bıiktigi 2,5 metrge jetetin bógetti kórip tursyz ba? Joq? Al onda qujattar bar. Qujattarǵa sáıkes munyń uzyndyǵy – 40 shaqyrym. Buǵan Túrkistan oblysynyń ákimdigi 2021 jyldyń sońynda 2,2 mıllıard teńge kóleminde qarajat bólgen. Derekterge súıensek, 2022 jyly qurylymdy bir ret qana teksergen-mis. Alaıda sol tekseristen keıin ony birden sý shaıyp ketken. Osylaısha, bóget paıdalanýǵa jaramsyz bolyp qalǵan. Endi olar aıaqsyz qalǵan istiń nátıjesin, bitýine az qalǵan kepildik merzimine jaba salmaq. Bul "paradoks", – dedi qoǵam belsendisi.
Osy rette qoǵam belsendisi jergilikti sybaılas jemqorlyqqa qarsy qyzmetiniń jumysyna kúdik keltirip, qaıda qarap otyrǵanyn aıtady.
"Jergilikti Antıkor qaıda qaryp otyr dep suradyńyz ba? Maǵan da qyzyq... Óıtkeni ákimdikke osy faktini tekserýdi suraǵan eken. Olar 2023 jylǵy 23 qarashadaǵy osy fakti boıynsha bizdiń joldaǵan resmı ótinishimizdi, áıteýir jasyryp qalǵan. Odan beri 5 aı ótti. Olar áli di kútip otyr. Sý tasqyny men odan zardap shekken kezde emes, qaýip týraly aıtqan kezde tekserý kerek", – dedi Dıdar Smaǵulov sybaılas jemqorlyqqa qarsy qyzmettiń basshysyna silteme jasap.
Dıdar Smaǵulov túrli bógetter, jaǵalaý bekinisterin bekitýge 2 jyl ishinde jumsalǵan 97 mıllıardtyń somasyn jarıalaǵanda, tańǵalǵan jýrnalıser telefon soqqanyn aıtady.
"Bul satyp alý oǵan kirmeıdi. Óıtkeni ol buryn bolǵan jáne barlyǵyn múmkindiginshe jasyrý úshin turǵyn emes úı-jaılardyń qurylysy retinde júrgizilgen kórinedi. Biraq Túrkistandy qazir basqaryp otyrǵan basshylyqpen qandaı da bir ózgeris bolatynyna qatty kúmánim bar. Endi bógetti tekserýdi jumysyn memlekettik sáýlet-qurylys baqylaý basqarmasy (GASK), ıaǵnı ákimdiktiń ózi júrgizetin bolady. Qalaı oılaısyz, olar buzýshylyqtardy taba ma “óziniń artyn ashpaıtyn shyǵar?” – dedi Dıdar Smaǵulov.
Atalǵan faktiler boıynsha tekserýler júrgizilip jatyr ma dep Túrkistan oblysy ákimdiginiń baspasóz hatshysy Mıra Súleımenovadan surap kórdik.
"Myna oryn men tastyń ornalasqan jerin tappaı jatyr. Oblysta qaǵazda qalǵan damba joq", – dep jaýap berdi baspasóz ókili.
Baspasóz hatshysy birneshe saǵat ótkennen keıin munyń Shoshqakól ekenin, onda bóget baryn rastady.
"Túrkistan oblysynyń qurylys basqarmasynyń málimetinshe, áńgime Shoshqakól kóli júıesinde keshendi sharalardyń qurylysy týraly bolyp otyr. Bekitilgen jobalyq-smetalyq qujattamaǵa sáıkes bógettiń bıiktigi uzyndyǵy men jer bederine baılanysty 0,5 metrden 2,5 metrge deıin jetedi", – dep túsindirdi Mıra Súleımenova.
Onyń aıtýynsha, salynǵan bógettiń uzyndyǵy 38 shaqyrymǵa jetedi.
"2020-2021 jyldary "Túrkistan oblysyndaǵy Túrkistan qalasynyń Shoshqakól kólder júıesi boıynsha keshendi is-sharalardyń qurylysy" júzege asyryldy. Qurylys-montaj jumystarynyń quny – 2,1 mıllıard teńge. Nysan 2021 jyldyń jeltoqsan aıynda aıaqtalyp, paıdalanýǵa berilgen. Qurylym paıdalanýǵa berilgennen beri Shashqakól júıesi jumys istep tur. Bul sý aımaǵynda 2022 jyly – 275,0 mıllıon tekshe metr; 2023 - 355,0 mıllıon tekshe metr, al 2024 jylǵy 15 sáýirdegi jaǵdaı boıynsha 455 mıllıon tekshe metr jınaldy. Osy ýaqytqa deıin bóget erozıasynyń dáleli tirkelgen joq", – dep málimet berdi Túrkistan oblysy baspasóz hatshysy Mıra Súleımenova.
