Sońǵy bes jylda Qazaqstannyń syrtqy bereshegi 4 mıllıard dollarǵa artqan. Ulttyq banktiń dereginshe 2024 jyly eldiń syrtqy qaryzy 163 mıllıard dollarǵa jetken, bul osydan bes jyl burynǵy kórsetkishpen salystyrǵanda birneshe mıllıardqa kóp, - dep habarlaıdy alash.kz dalanevske silteme jasap.
Qazaqstanǵa eń kóp nesıe bergen el – Nıderland: 42,6 mıllıard dollar. Degenmen, Qazaqstannyń Reseıge aldyndaǵy bereshegi erekshe kózge túsedi. Sońǵy bes jylda Qazaqstannyń teriskeı kórshisine qaryzy 47,1 paıyzǵa artyp, 13 mıllıard dollarǵa jetken. Bul Máskeýdiń Qazaqstan ekonomıkasyndaǵy qarjylyq yqpaly men belsendiligin aıtarlyqtaı kúsheıtip otyr.
Al Batys elderiniń tarapynan nesıe berýshileriniń qaryzdary azaıa bastaǵan. Ulybrıtanıa men AQSH Qazaqstanǵa qaryz berýdi aıtarlyqtaı azaıtqan.
Osy ózgerister aıasynda Azıa Damý Banki men Dúnıejúzilik densaýlyq saqtaý uıymy Qazaqstandaǵy jobalarǵa belsendi qatysyp júr. Jeltoqsan aıynda Azıa Damý Banki qarjylyq basqarýdy reformalaýǵa 350 mıllıon dollar bólse, al Dúnıejúzilik banktiń kómegimen DDU pandemıamen kúresý úshin 19 mıllıon dollar bólip, pandemıa qorynyń jobasyn qolǵa alǵan.
Eldiń burynǵy bas aýdıtory Natalá Godýnova memlekettik qurylymdardyń halyqaralyq qarajatty tıimsiz paıdalanýyn synǵa alyp, neǵurlym ashyq jáne jaýapty qarjylyq basqarý qajet ekenin aıtqan bolatyn.
Buǵan deıin reseılik kompanıalardyń qazaqstandyq jobalarǵa atsalysyp kire bastaǵany jazylǵan. Máskeý Qazaqstandaǵy orys áleminiń «ambassadory», saıasatker jáne ekonomıs Petr Svoık jáne birqatar sarapshy arqyly óziniń múddesin tyqpalaýǵa kóshken. Orystildi BAQ "Qazaqstannyń batysyndaǵy energetıkalyq kompanıalardyń aktıvin reseılikterge berý – Astana úshin durys sheshim bolmaq" degen úgit-nasıhatty kúsheıtýde.
Reseı Eýroodaq pen AQSH-taǵy tyıym salynǵan aktıvterin paıdalana otyryp, Teńiz, Qarashyǵanaq jáne Qashaǵan munaı-gaz jobalaryndaǵy sheteldik kompanıalardyń aksıalaryn satyp alýy múmkin degen boljam bar.
«Meniń aıtarym: Teńiz, Qarashyǵanaq jáne Qashaǵanaqqa (munaı jáne gaz ken oryndary) aldaǵy jyldary Reseı ıelik etedi. Eki yqtımal jaǵdaı bolýy múmkin. Birinshisi – ol jerden Batys kompanıalary ketedi. Olardyń ornyna reseılik, qytaılyq jáne qazaqstandyq kompanıalar keledi. Al ekinshi senarı boıynsha Batys kompanıalary jergilikti tártipke baǵynyp jumys isteıtin bolady. Biraq olar elden ketýge májbúr bolýy múmkin», - deıdi Petr Svoık suhbatynda.
Taǵy bir reseılik BAQ-ta «Astana Táýelsizdiktiń alǵashqy jyldary qol qoıylǵan munaıǵa baılanysty kelisimderdi qaıtadan qaraýdy kópten beri armandap júrgeni» jazylǵan.
«Sarapshynyń sózinshe, aktıvterdi Reseıge berý eń durys sheshim», - dep jazylǵan Fedpress.ru materıalynda.
Osylaısha bul bastamanyń basynda qazaqstandyq taraptyń ózi turǵan bolýy múmkin ekeni aıtylady. Reseılik sarapshy Igor Iýshkov mundaı ózgeris kimge tıimdi ekenin aıtyp bergen.
