Klasık jazýshymyz Ábdijámıl Nurpeıisov 98-ge qaraǵan jasynda dúnıe saldy. Asyl sózdiń abyzynan aıyryldyq. Alash jurtyna kóńil aıtamyz! Jer basyp júrgen ár qazaqqa Ábekeńniń jasyn bersin!
Qalam ustaǵan adamnyń bir aq maqsaty bar. Ol - qalaıda jazý. Árıne, kópirtip ońdy-soldy súıkeı berý emes, jaqsy jazý, ólmeıtin, óshpeıtin obraz jasaý. Ábdijámil Nurpeıisov ózine ózgeden de qatal bola júrip sol bıikti baǵyndyrǵan biregeı jazýshy bolyp tarıhta qaldy.
Zamandastary, eki-úsh múshel kishi qalamdastary jarysa, mereıtoı ótkizip dańqqa bólenip, qurmetke oranyp jatqanda, túsinikti hám túsiniksiz Ábeń ómir boıy jazyp kele jatqan "Qan men ter", "Sońǵy paryz" (Álemniń kóptegen tilderine aýdarylyp óz baǵasyn áldeqashan alyp qoıǵanyna qaramastan) romandaryn ustartyp, qysqartyp óńdeýmen boldy. Bul jankeshtiliktiń ıgiligin kim kórdi, árıne, qazaq ádebıeti men mádenıeti kórdi.
Bitimi bólek, kúrdeli tulǵa ózimen birge biraz jumbaqty ala ketkendeı kórinedi de turady...
Jastarǵa aqsaqaldyń eńbekqorlyǵy, jazýǵa degen jaýapkershiligi men ustanymy juǵysty bolsyn!
