«Qorǵas» transshekaralyq yntymaqtastyq halyqaralyq ortalyǵyna reıderlik shabýyl jasalýy múmkin.Bul týraly Egovpress telegram arnasynda jazyldy.
Reıderlik shabýyldyń basynda sheneýnik Danıar Aıqynbaev pen Ersin Orazaev turǵan kórinedi dep jazady alash.kz caıty dalanews.kz ke siltep.
İri ınvestorlar «Qorǵasta» júzdegen jumys ornyn qurǵan. Endi oǵan sheneýnikterdiń kózi túsip otyrǵan kórinedi.
Telegramdaǵy málimet boıynsha, Aıqynbaev pen Orazaev reıderlik jolmen shekarany tolyq baqylaýǵa alyp, kásipkerlerdi kontrabandamen aınalysýǵa májbúrlemek. Tipti zardap shegip otyrǵan kásipkerlerdiń aryzy da paıda boldy.
Úndeýdi kásipkerler prezıdent Toqaevqa baǵyttaǵan. Sonymen qatar, aryz prezıdent ákimshiligine, premer-mınıstr Bektenovke, bas prokýrorǵa, qarjy mınıstrligi, ulttyq qaýipsizdik komıteti men antıkorǵa da jiberilgen.
Kásipkerler hatta olardyń árqaısy Aıqynbaev pen Orazaev tarapynan qysym kóretinin, olar qyzmettik ókiletin asyra paıdalanyp júrgenin jazǵan.
«Olar qoqan-loqy kórsetip, kásipkerlerdiń jumysyna zańsyz aralasyp, ınvestorlardy bıznesti júrgizýdiń tıimsiz ádisin qoldanýǵa ıtermeleıdi. Orazaev Aıqynbaevtyń basshylyǵymen bızneske qamqorlyq jasaý úshin árqaısymyzdan jeke qomaqty birjolǵy aqshalaı qarajatty tóleýdi nemese bar jáne josparlanǵan ónimnen aı saıynǵy kiristiń belgili bir bóligin berip otyrýdy talap etti», - delingen hatta.
Hattaǵy málimet boıynsha, keıbir kásipkerler jer ýchaskeleri men jyljymaıtyn múlik obektilerinen aıyrylyp qalǵan. Kelisimshartqa qaramastan olardyń shyǵyny da ótelmegen.
Aıta keteıik, Danıar Aıqynbaev, sońǵy derektor boıynsha, Almaty elektr stansıalarynyń qamtý boıynsha basqarma tóraǵasynyń orynbasary qyzmetinde. Al Ersin Orazaev derekkózderde «Qorǵas» shegara mańy yntymaqtastyǵy ortalyǵy» AQ tóraǵasy mindetin atqarýshy ekeni jazylǵan.
