Tiri bolsam, qazaqqa qyzmet etpeı qoımaımyn!

Álıhan Bókeıhan

Nazarbaevtyń jeke aspazy bolýdan bas tartqan qazaq kim?

26 naýryz 2024 418

Tanymal aspaz Muhıt Álibekov  eks-prezıdent Nursultan Nazarbaevqa as daıyndap berip, qansha ret kezdeskenin aıtty dep habarlaıdy alash.kz saıty "dalanevske" siltep

Aspazdyń sózinshe, eń alǵash Nazarbaevpen Raıymbek batyrdyń 300-jyldyǵynda kezdesken.

«Sonda ataqty, myqty adamdar qazaq úı tigip, meni apardy. Men baryp as daıyndadym.

Nazarbaev Serik Úmbetovpen keldi. Almaty oblysy ákiminiń birinshi orynbasary sasqalaqtap, ý-shý bolyp, artynan qaıtadan meni kirgizdi. Aldynda (Nazarbaevtyń) etti týrap berdim. Eń birinshi bastaǵanym sol kez boldy», - deıdi Muhıt Álibekov Ashyq Podcast Youtube-arnasyna bergen suhbatynda.

Aspaz bul oqıǵadan keıin de 6-7 ret Nazarbaevqa as ázirlep bergen eken.

«Meni maqtady. Ol kezde janynda turmaq túgili, kózimen kórmek túgili, alystan qashyp júretinder bolǵan. Qolymdy alyp «Jaraısyń, tamaǵyń óte dámdi» dedi. Eń sońǵy ret Eksponyń ashylýynda, 2017 jyly Amandyq Batalovtyń ózi meni alyp bardy. Qazan-oshaq pen bárin tıep aparyp, 5 kún boıy tamaq jasadyq. Qanshama dıplomat, qanshama myqtylar boldy. Ol kezde Saǵyntaev Úkimet basshysy. Bári tamaqtanyp ketti. Batalovtyń ózi meniń qolymdy alyp, marapatyn aıtty. Sol kezde prezıdent apparatyndaǵylar da «aǵa, qalyńyz, barlyq jaǵdaı jasalady» degende bir aýyz jaýap bergen joqpyn.

Nazarbaevtyń jeke aspazy bolý usynysy jasaldy. Bas tarttym, sebebi men dalanyń, halyqtyń adamymyn. Men eshkimge baǵynyshty emespin. Óz aldyma jospar qoıyp, jumys isteıtin adammyn», - deıdi aspaz.

Bul maqala týraly ne oılaısyz?