Tiri bolsam, qazaqqa qyzmet etpeı qoımaımyn!

Álıhan Bókeıhan

Qytaıda mınıstr tártip buzǵany úshin qatań tergeýge alyndy

18 mamyr 2024 199

Qytaıdyń Aýyl sharýashylyǵy jáne aýyldyq ister mınıstri Tan Jenszán partıalyq tártip pen zańdy óreskel buzdy degen kúdikpen tergeýge alyndy. Bul týraly Tártiptik tekserý jónindegi ortalyq komısıanyń saıtynda jarıalanǵan resmı málimdemede jazylǵan, dep habarlaıdy Alash.KZ ulttyq portaly. 

"Qazaqparat" taratqan málimdemege sáıkes, QHR Aýyl sharýashylyǵy jáne aýyl isteri mınıstrligi basshylyǵynyń partıalyq tobynyń hatshysy qyzmetin qosa atqaratyn Tan Jenszánǵa qatysty tergeýdi tártipti tekserý jónindegi ortalyq komısıa men memlekettik qadaǵalaý komıteti júrgizedi. 

Tártiptik buzýshylyqtarǵa qatysty partıalyq tekserý ádette Qytaı sheneýnikteriniń sybaılas jemqorlyqqa qatysty áreketterine júrgiziledi. 

Aıta keteıik, Tan Jenszán QHR Aýyl sharýashylyǵy jáne aýyl ister mınıstri bolyp 2020 jyldyń jeltoqsan aıynda taǵaıyndalǵan bolatyn.

Bul maqala týraly ne oılaısyz?