Reseılik jýrnalıs qazaq qoǵamyndaǵy "uıat" uǵymyn sóz etti dep habarlaıdy, Alash.kz Ulysmedia.kz saıtyna silteme jasap.
Jýrnalıs Qazaqstan áıelderiniń órshil, derbes ekenin aıtyp ótti, Biraq qoǵamdaǵy “uıat” uǵymyna toqtaldy.
“Qysqa ıýbka kıdiń be? Uıat!”
“Bir jaǵynan, qazaqstandyq áıelderdiń kópshiligi óte progresıvti: olar kóp jumys isteıdi, órshil, derbes, bárine ózderi qol jetkizgisi keledi, emansıpasıaǵa, táýelsizdikke, teńdikti tanýǵa umtylady. Sonymen qatar, salaýatty femınızmge, qaryndastyqqa, ózara kómekke, girl power-ge (“qyzdardyń kúshi” avt.) túsinistikpen qaraıdy. Men jeke ózim osyndaı áıelderdi tanımyn, keıbirimen dospyn jáne óte qurmetteımin. Biraq sonymen birge elde " uıat "degen uǵym bar. Ol sózbe-sóz "uıat" dep aýdarylady jáne qoǵamdyq aıyptaýda kórinedi. Onlaında da jáne oflaında da. Osy uǵym aıasynda áıel konservatıvti normalardan aýytqysa uıatqa qalýy múmkin. Qysqa ıýbka kıip kóshege shyqtyńyz ba? Uıat. Birneshe jigitińiz bar ma? Uıat! Kúıeýiń seni ursa da odan ketip qaldyń ba? Uıat. Árıne, bul moraldyq zorlyq – zombylyqqa ushyraǵan áıelderge qosymsha qysym jasaıdy", - dedi Ksenıa Sobchak.
Sobchak bul dástúrdiń artynda eskirgen túsinik turǵanyn málimdedi. Jýrnalıs bul rette Qýandyq Bıshimbaevtyń isi betburys bolýy múmkin dedi.
Azamattyq qoǵamnyń jeńisi
“Buryn uıat arqyly halyqtyń konservatıvti bóligi áıelderge ne istep, ne istemeý keregin aıtyp otyrdy: kóp sóıleme, túımedeıdi túıedeı etpe, úndeme, shydamdy bol - jaqsy kórip ketedi. Endi qyzdar úı tırandaryna qarsy birigip qana qoımaı, arnaıy zańnyń qabyldanýyna qol jetkizdi. Jalpy, qazir Qazaqstanda Saltanat isiniń aıasynda óte qyzyqty ister júrip jatyr. Múmkin biz tynysh revolúsıanyń bir túrin kórip otyrmyz. Azamattyq qoǵamnyń jeńisi” - dedi reseılik jýrnalıs.
