Tiri bolsam, qazaqqa qyzmet etpeı qoımaımyn!

Álıhan Bókeıhan

Qazaqstandyqtar óz eltańbasyn tanymaıdy. Nege?

29 qańtar 2024 43
Jańa Adamdar eltańba rámizi týraly  qazaqstandyqtardyń pikirin bilý úshin Astana men Almaty qalalarynda 500-den astam ár-túrli jastaǵy turǵyndardan, áleýmettik saýalnama júrgizý arqyly, zertteý jasaǵan.

Shyqqan qorytyndy adamdy oılandyratyny sózsiz. Saýalnama júrgizý kezinde, turǵyndarymyzdyń basym kópshiliginiń esine elimizdiń rámiziniń beınesi túspedi.

Saýalnamaǵa qatysýshylardyń 70% eltańbamyzdyń beınesindegi jekelegen elementteriniń mán men maǵynasyn túsinbeıtinin kórsetti. Saýalnamaǵa qatysýshylardyń 30% ǵana alty birdeı uqsas rámizder arasynan bizdiń tól eltańbamyzdy naqtylap, tanyp kórsete aldy. Tipti kóbisiniń uqsas rámizder arasynan qanatty tulpary bar ózimizdiń eltańbamyzdy emes, qustar men aıdahar beınelengen ózge rámizderdi kórsetkenderi tań qaldyrdy.

Saýalnama barysynda otandastarymyzdan bizdiń memleketimizdi adamı qasıettermen sıpattap berýin suraǵan bolatynbyz.

Astana men Almaty qalalaryndaǵy turǵyndardyń basym kópshiligi birdeı jaýap berdi. Qazaqstan - bul qonaqjaılylyq, erkindik, otbasy qundylyqtary men birlik dep jaýap berdi.

Biraq ta, osy aıtylǵan basty qundylyqtardy qazirgi bizdiń eltańbamyzda kóre almaǵandary jaıly respondentterdiń basym kópshiligi atap ótti.

Memleketimizdiń qazirgi eltańbasy birlik pen yntymaq shaqyryp, rámiz retinde óz mańyna shoǵyrlandyra ala ma?

Saýalnama qorytyndysy qarapaıym turǵyndarymyzdyń rámiz maǵynasyn túsinbeıtinin jáne tanı almaıtynyn da kórsetti. Qarapaıym halyq úshin rámiz - kitap betterindegi sýret sekildi nemese mindetti túrde basshylardyń kabınetterinde ilinip týrýy kerek memlekettik dúnıe retinde qabyldanǵandaı, eltańbamyzdyń semıotıkaǵa nemese maǵynaǵa ıe bolmaǵandyǵy ma?

Nelikten bundaı qorytyndyǵa keldik? Másele Qazaqtandyqtarda ma? Álde kinárat rámizimizde me?

Kúrdeli, eklektıkalyq maǵynamen, sovettik úkimetten qalǵan elementter, rámizimizdiń nuryn tumshalaǵan ispetti jáne bizdi bir ult retinde shoǵyrlandyrý mindetin atqara almaıtyn halde.

Madı Omırzakov, Jańa Adamdar:

"Prezıdent Qasym-Jomart Toqaev jańa ádiletti Qazaqstandy qurý baǵdaryn usyndy. Qarapaıym halyqtyń, usynystarymen ótinishterin, tyńdaı biletin memleketti qalyptastyrý. Osy arada, jańa rámizimiz týraly oı tolǵansaq, jańarǵan jańa Qazaqstannyń jańa rámizi jahandyq kedergilerden taısalmaı ótý jolynda, halqymyzdyń birligimen yntymaǵyn kúsheıteri sózsiz”.

https://www.instagram.com/reel/C2mGFOosKm3/?igsh=MTl2cTg2Mmo5NmU5dg==

[video width="1080" height="608" mp4="https://alash.kz/wp-content/uploads/2024/01/4c54edbaf08c478ba1fff2fb426c05b2.mp4"][/video]
Bul maqala týraly ne oılaısyz?