QR eks- prezıdenti Nursultan Nazarbaevqa Almaty qalalyq máslıhat depýtaty, rejıser Erkin Raqyshev úndeý joldady, dep habarlaıdy Alash.kz.
“Qurmetti Nursultan Nazarbaev, qalyńyz qalaı? Barsyz ba? Sizdi kórinbeı ketti dep halqyńyz alańdap, izdep jatyr ǵoı. El basqarǵan kezińizde “Elimiz aman, jurtymyz tynysh bolsyn” deıtin edińiz. Endi halqyńyz qınalyp, jarty Qazaqstandy topan sý alyp jatqan kezde nege úndemeı qaldyńyz? Myńdaǵan qazaq mal-múlkinen, úı-jaıynan aıyrylyp jatyr. Úndemeı jatqanyńyz jaraspas. Halqyńyzǵa qoldaý bildirip, qol ushyn sozyńyz. Aqshańyz joq emes, bar. Keıbir derekterge qaraǵanda, “Nazarbaev qaıyrymdylyq qorynda” 8 mlrd dollardan astam aqsha jatyr. Osy qyrýar aqshany, halqyńyz qıyndyqqa ushyraǵan kezde bermegende, ne isteısiz?
Bul sizdiń mańdaı terińizben tapqan aqshańyz emes, bir sózben aıtqanda halyqtyń aqshasy. 1-2 mlrdpen bolsa da halyqqa kómektesińiz. Sizge jaltaqtap otyrǵan, eldiń aqshasyn jegen olıgarhtarǵa da aıtyp baryńyz. Tentiregen halyqqa úı salyp bersin!,- dedi Erkin Raqyshev.
