Sý tasqynynan zardap shekken Qostanaı oblysynyń turǵyndary 180 myń teńgeden kómek alǵany habarlandy.Bul jaıly Alash.KZ ulttyq portaly habarlaıdy.
Qostanaı oblysy ákiminiń orynbasary Arman Ábenov respýblıkalyq shtabtyń brıfıńinde sý tasqynynan zardap shekken turǵyndarǵa beriletin ótemaqy tólemderi jaıly sóz etti. Oblys ákimi orynbasarynyń aıtýynsha, Qostanaı oblysynyń turǵyndary ótemaqy tólemderin ala bastaǵan.
"Búgingi tańda 620 otbasyna 114,4 mln teńgege áleýmettik kómek tólendi", – dedi Qostanaı oblysy ákiminiń orynbasary Arman Ábenov.
Qazir oblysta sý tasqynynan keletin qaýip seıilip, jaǵdaı birshama turaqtalǵany da málimdeldi. Aqparatqa sáıkes, búginde 160 – tan astam jeke turǵyn úı sý astynda qalyp otyr. Atap aıtqanda: Qostanaıda 45,Qarasý aýdany, Qaramyrza aýylynda 25, Qostanaı aýdanynyń Altynsarın, Mıchýrın, Sadovoe jáne Altyndala aýyldarynda 91 úıdi sý basqan.
"Sýdyń basýyna baılanysty 27 eldi meken áli kúnge deıin elektrmen jabdyqtaýsyz qalyp otyr. Respýblıkalyq mańyzy bar 4 jáne oblystyq mańyzy bar 3 avtojol jabyldy. Kólik qatynasy joq 10 eldi meken bar", - dedi Arman Ábenov.
Reti kelgende aıta keteıik, Ekidın, Úrpek, Aqkól, Qarasý, Saga, Bıdaıyq, Oshaǵan, Qumshyq jáne Kólkamys aýyldary men Jangeldi aýdanynda, Qyzyltý aýyly Meńdiqara aýdanynda kólik qatynasy toqtaǵan.
