Ótken jyly otandyq ulttyq saıabaqtar 1,48 mıllıon adamdy qabyldady. Bul - sońǵy bes jyldaǵy rekord kórsetkish. 2021 jyly týrıserdiń kóbi Býrabaıǵa keldi - 655 000-nan asa adam. Kelýshiler sany boıynsha ekinshi orynda - İle Alataýy, kórsetkishi 430 044 adam. Kóshbasshylar úshtiginde 160 520 demalýshy kelgen Kólsaı kólderi bar. Top-5 quramyna Baıanaýyl (56 200 adam) jáne Kókshetaý (49 045 adam) kirdi.
Qazaqstanda 14 ulttyq saıabaq bar. Olardyń ishindegi eń jasy - Tarbaǵataı (2018 jyly qurylǵan) jáne Ulytaý (2021 jyly). Barlyq ulttyq saıabaqtyń jalpy aýdany - 2 700 000 gektar nemese Qazaqstan aýdanynyń 1 paıyzy.
Pandemıa bastalǵanǵa deıin ulttyq saıabaqtarǵa barý qarqyny ósti:
2017 jyl - 1,12 mıllıon adam,
2018 jyl - 1,14 mıllıon adam,
2019 jyl - 1,38 mıllıon adam.
Biraq 2020 jyly karantın shekteýlerine baılanysty ulttyq parkterge 890 000 adam keldi. Baıanaýyl ulttyq saıabaǵyna jyl burynǵyǵa qaraǵanda 21 ese az adam saıahat jasaǵan. Altynemel, Kókshetaý, Qarqaraly jáne Buırataýǵa barý eki esege azaıdy.
