Bıyl Qazaqstanda Jeńis kúnine oraı áskerı sherý ótpeıdi. Qorǵanys mınıstrliginiń habarlaýynsha, Otan qorǵaýshylar kúni men Jeńis kúnine arnalǵan áskerı sherý memleketti qarjydan qaǵyp,qazynany jelge shashady, dep habarlaıdy Alash.KZ ulttyq portaly.
Mınıstrliktiń málimetinshe, búdjet qarajatyn únemdeý jáne ony basqa isterge josparlaý mańyzdy.
"Qazaqstan Qarýly Kúshteri bólimsheleriniń jaýyngerlik ázirligi men utqyrlyǵynyń qajetti deńgeıin ustap turý basymdylyq sanalady", - deıdi habarlamada.
Eske sala keteıik, pandemıaǵa baılanysty 2022, 2023 jyldary da sherý ótkizilmegen bolatyn.
Qazaqstandaǵy sońǵy áskerı sherý 2018 jylǵy 7 mamyrda Otarda (Jambyl oblysy) ótkizilgen edi. Sol kezdegi áskerı jıyndy Qarýly Kúshterdiń Joǵarǵy Bas Qolbasshysy – QR prezıdenti Nursultan Nazarbaev qabyldaǵan.
