Elimizde Abaı, Ulytaý jáne Jetisý oblystary qurylatynyn prezıdent Qasym-Jomart Toqaev keshegi joldaýynda málimdedi.
Abaı oblysynyń ákimshilik ortalyǵy — Semeı (Shyǵys Qazaqstan oblysynan bólinip shyǵady), Ulytaýdyń ortalyǵy — Jezqazǵan (Qaraǵandy oblysynan bólinedi), Jetisý oblysynyń ortalyǵy Taldyqorǵan bolady. Al Almaty oblysy Qapshaǵaıdan basqarylady. Qala jaqynda Qonaev dep atalýy múmkin. Memleket basshysy buǵan qarsy bolmaıtynyn aıtty.
Demek bıyl (jyldyń alǵashqy jartysynda) Qazaqstanda jańa úsh óńirdiń sandyq belgisi bar memlekettik nómir berile bastaıdy. Boljam boıynsha olar «18», «19» jáne «20» bolýy múmkin. Jańa nómir jańadan tirkelgen mashınalarǵa beriledi. Al buǵan deıin tirkelgen kólikter burynǵysymen júre beredi.
Jańa oblystar naqty qashan qurylatyny 18 naýryzda ótetin úkimettiń kezekten tys otyrysynda belgili bolýy múmkin.
