Elimiz Máskeýde bolǵan lańkestik shabýyldan sabaq alýy tıis. Bul týraly búgin Májilis depýtaty Aıdos Sarym aıtty.
Ol Máskeý mańyndaǵy «Krokýs Sıtı Hol» konsert zalynda bolǵan terakti týraly aıtap kelip, premer-mınıstr Oljas Bektenovke depýtattyq saýal joldady.
«Ótken aptada Reseı Federasıasy Máskeý mańynda ornalasqan Krasnogorsk qalasyndaǵy «Krokýs Sıtı Hol» konsert zalynda terorıstik akt boldy. Saldarynan jazyǵy joq kóptegen beıbit turǵyn qaza tapty. Parlament Májilisiniń depýtattary qaza tapqandar men jaralanǵandardyń otbasyna kóńil aıtyp, zardap shekkenderdiń tezirek saýyǵyp ketýin tileıdi. Biz, memleket basshysy Qasym-Jomart Toqaevpen tilektespiz», - dedi Májilis depýtaty.
Onyń paıymdaýynsha Qazaqstan Máskeýdegi teraktiden sabaq alýy kerek.
«Oljas Abaıuly, biz, Qazaqstan bolǵan oqıǵany jan-jaqty zerdelep, sabaq alýy kerek dep sanaımyz. Oqıǵalardy taldaý barysynda tragedıa qurbandarynyń úshten biri tikeleı terorıstik shabýyldan qaıtys bolǵan, al qalǵan adam shyǵyny oqıǵa ornynda bolǵan órt pen dúrbeleńge, kúsh qurylymdary men is-sharany uıymdastyrýshylardyń birlesip áreket etpeýinen boldy. Ortalyq jáne jergilikti atqarýshy organdar Qaýipsizdik keńesiniń jedel keńesinde memleket basshysy bergen tapsyrmalardy sózsiz oryndaıdy dep senemiz», - dedi Aıdos Sarym.
Tipti Úkimettiń qandaı máselelerge nazar aýdarýy kerektigin aıtty:
Birinshiden, salynyp jatqan mádenı-buqaralyq jáne sport ǵımarattaryn salý jáne mindetti túrde memlekettik qabyldaý máselesine memlekettik baqylaýdy kúsheıtýge nazar aýdarýymyz kerek.
Ekinshiden, qazir elimiz boıynsha mádenı-buqaralyq, sporttyq is-sharalardy ótkizý men reglamentteý algorıtmderin qaıta qaraý, olardy uıymdastyrýshylardyń quqyq qorǵaý organdarymen jáne shuǵyl kómek kórsetý qyzmetimen ózara is-qımyl tetikterin neǵurlym naqty belgileý qajet. týyndaǵan jaǵdaıda naqty josparlar bolýǵa tıis.
Úshinshiden, adamdar jıi baratyn mádenı-sporttyq ǵımarattar men zaldarǵa olardyń terorızmge qarsy, órtke qarsy jáne ózge de qaýipsizdigi, olardyń qajet sıgnaldyq jáne órtke qarsy jabdyqtarmen qamtamasyz etilýi turǵysynan aýdıt júrgizý, olardyń jumys kúıinde bolýyn tekserý kerek.
Eske salsaq, bıyl 22 naýryz túni Máskeý mańyndaǵy «Krokýs Sıtı Hol» konsert zalynda kamýfláj kıgen birneshe adam jurtqa oq jaýdyrǵan bolatyn. Reseı tergeý komıtetiniń málimetinshe, teraktiden 139 adam qaza taýyp, 180 adam zapa shekken.
