Tiri bolsam, qazaqqa qyzmet etpeı qoımaımyn!

Álıhan Bókeıhan

Abaı oblysynda erigen qar sýynan kópir qulap, kólik qatynasy toqtady

27 naýryz 2024 221

Abaı oblysy Aıagóz aýdanyna qarasty aýdandyq mańyzy bar tasjoldy erigen qar sýy shaıyp, kópirdiń bir bóligi qırap túsken.

Astana.tv aqparatynsha,qazir kópir arqyly kólik qatynasy toqtatylǵan. Aınalma jol bar. Jergilikti atqarýshy organdar jol jıegin bógeý jáne jol bóligin ınertti materıalmen toltyrý, qozǵalysty qalpyna keltirý jumystaryn júrgizip jatyr.

Biraq turǵyndar bul jaıtqa alańdap otyr.

Qardyń qarqyndy erýine jáne kún kúrt jylynýyna baılanysty kishi Aıagóz ózeninde sý deńgeıi 240 santımetrge kóterilgen eken. Mamyrsý aýyldyq okrýginiń Bozaı eldi mekeninde kóp mólsherdegi erigen qardyń sýy deńgeıinen asyp, aýylǵa jaıylý qaýipi bar deıdi. Tilsiz jaýdyń biri bolǵannan keıin bala-shaǵamyzben uıyqtamaı úreıde otyrmyz. Kópirdi de shaıyp ketitti. Arnaıy mamandar jumys istegenimen osy jaǵdaıdyń aldyn ala almaı jatyr, - dedi aýyl turǵyny Amanbek Maqsuthan.

Oqıǵa ornynda Aıagóz aýdanynyń Tótenshe jaǵdaılar bóliminiń qyzmetkerleri bar. Polısıa departamentiniń qyzmetkerleri shekteý belgilerin qoıyp, kezekshilik uıymdastyrdy.

Halyqty Aıagóz ózeni arqyly ótkizý úshin TJD qyzmetkerleri jiberilgen. Olar qajet bolǵan jaǵdaıda júzý quraldarynyń kómegimen ótkel jumystaryn júzege asyratyny habarlandy.

Al Aıagóz aýdanynyń ákimdigi jergilikti aýqymdaǵy tótenshe jaǵdaı jarıalady.

Bul maqala týraly ne oılaısyz?