Jıyn barysynda federasıanyń jańa prezıdenti qyzmetine Shahmurat Mútálip saılandy. Ol Keńes Raqyshevtiń ornyn almastyrdy.
Otyrysta ótken jyldyń nátıjesi qorytyndylanyp, erler jáne áıelder komandasy bas bapkerleriniń esebi tyńdaldy. Artynsha QBF jańa basshysyn saılandy.
Shahmurat Mútálip ortaq maqsatqa jetý jolynda óziniń bar kúshin salatynyn atap ótti.
Maǵan júktelgen jaýapkershilikti sezine otyryp, Qazaqstan boksyn ári qaraı damytýǵa, sportshylarymyzǵa jan-jaqty qoldaý kórsetip, olardyń múddesin qorǵaýǵa, QBF rólin elimizdiń ishinde jáne halyqaralyq deńgeıde arttyrýǵa bar kúshimdi salamyn. Bıyl ótetin mańyzdy dodalar qarsańynda komandanyń aldynda úlken maqsat tur. Óz tarapymyzdan daıyndyqqa qajet barlyq jaǵdaıdy jasaýdy jalǵastyra beremiz. Birlese eńbek etý arqyly otandyq bokstyń álemdik arenadaǵy bedelin nyǵaıta túsemiz, - dedi Qazaqstan boks federasıasynyń jańa prezıdenti.
